رۋمىنيانىڭ بۇرىنعى پرەزيدەنتى يون يليەسكۋ 95 جاسقا قاراعان شاعىندا دۇنيەدەن ءوتتى، دەپ حابارلايدى "ادىرنا" ۇلتتىق پورتالى.
بۇل تۋرالى سەيسەنبى كۇنى رۋمىنيا ۇكىمەتى رەسمي تۇردە مالىمدەدى.
رەسمي مالىمەتكە سايكەس، يليەسكۋ 2025 جىلدىڭ ماۋسىم ايىنىڭ باسىنان بەرى بۋحارەست قالاسىنداعى اۋرۋحانالاردىڭ بىرىندە ەم قابىلداپ جاتقان. كەيىن وعان وكپە وبىرى (وكپەنىڭ قاتەرلى ىسىگى) دياگنوزى قويىلعان. سوڭعى كۇندەرى ونىڭ جاعدايى كۇرت ناشارلاعان.
يون يليەسكۋ رۋمىنيا تاريحىنداعى ماڭىزدى ساياسي تۇلعالاردىڭ ءبىرى سانالادى. ول ەلدى ەكى مارتە باسقارعان: العاش رەت 1990–1996 جىلدارى، ەكىنشى رەت 2000–2004 جىلدار ارالىعىندا پرەزيدەنتتىك قىزمەت اتقارعان.
رۋمىنيا ۇكىمەتى بۇرىنعى پرەزيدەنتتىڭ قايتىس بولۋىنا بايلانىستى تەرەڭ قايعىرىپ، ونىڭ وتباسىنا جانە جاقىندارىنا كوڭىل ايتتى.
