4 جىلعا سوتتالعان ۇقك شەكارا قىزمەتىنىڭ بۇرىنعى باسشىسى دارحان ءدىلمانوۆ بوستاندىققا شىقتى، دەپ حابارلايدى “ادىرنا”.
"سۇراۋ سالۋدا كورسەتىلگەن سوتتالعان ادام سوت ۇكىمىنە سايكەس قىلمىستىق-اتقارۋ جۇيەسى مەكەمەسىندە جازاسىن وتەدى. سوت تاعايىنداعان جازا مەرزىمىن تولىق وتەگەنىنە بايلانىستى بوساتىلدى", – دەدى ۆەدومستۆو وكىلدەرى.
د.ءدىلمانوۆ ۇقك شەكارا قىزمەتىن 2014 جىلدىڭ قازانىنان 2022 جىلدىڭ ساۋىرىنە دەيىن باسقارعان. وعان قاتىستى ۇكىم 2023 جىلدىڭ 25 جەلتوقسانىندا الماتى گارنيزونىنىڭ اسكەري سوتىندا شىققان.
سوت ءدىلمانوۆتىڭ مۇلكىن تاركىلەپ، قىلمىستىق كودەكستىڭ 450-بابى 2-بولىگى (بيلىكتى اسىرا پايدالانۋ) بويىنشا 4 جىلعا بوستاندىعىنان ايىرۋ جازاسىن تاعايىندادى.
دارحان ءدىلمانوۆ "گەنەرال-لەيتەنانت" اسكەري اتاعىنان، ءىى دارەجەلى "ايبىن" وردەنى جانە "قر ۇقك ارادەگەرى" قۇرمەتتى اتاعىنان ايىرىلدى.
