كيەۆ پۋتين مەن ترامپ كەلىسسوزىن بۇزۋ ءۇشىن ارانداتۋعا دايىندالىپ جاتىر. بۇل تۋرالى رەسەي قورعانىس مينيسترلىگى ايتتى، دەپ حابارلايدى «ادىرنا» ءتىلشىسى.
«وسى ماقساتتا 11 تامىز دۇيسەنبى كۇنى ۋكراينا قاۋىپسىزدىك قىزمەتىنىڭ اۆتوكولىكتەرىمەن شەتەلدىك باق-تىڭ ءبىر توپ ءجۋرناليسى «مايدان ماڭىنداعى قالا تۇرعىندارى تۋرالى بىرنەشە رەپورتاج دايىنداۋ» دەگەن جالعان جەلەۋمەن حاركوۆ وبلىسى چۋگۋەۆ قالاسىنا جەتكىزىلدى»،—دەدى مينيسترلىك.
رەسەي اسكەرى ۋكراينا قارۋلى كۇشتەرى راكەتالار نەمەسە دروندار ارقىلى كوپ حالىق تۇراتىن اۋدانعا نەمەسە كوپ زارداپ شەككەن ازاماتتار بار اۋرۋحاناعا شابۋىل جاساۋى مۇمكىن دەپ بولجاۋدا.
«بۇل ارەكەت رەسەي مەن اقش پرەزيدەنتتەرى ۆلاديمير پۋتين مەن دونالد ترامپ كەزدەسۋى الدىندا جاعىمسىز احۋال جاساۋ ماقساتىندا جاسالماق»،—دەلىنگەن حابارلامادا.
بۇعان دەيىن تاسس باسىلىمى اقش پەن رەسەي پرەزيدەنتتەرىنىڭ 15 تامىز كۇنى انكوريدج قالاسىندا (الياسكا) كەزدەسۋى وتەتىنىن جازعان ەدى.
