جەلىدە “Kochevnik” اتتى بلوگەر “كوكپار – پايعامبارىمىز بەن ونىڭ ءىزباسارلارى ساحابالاردان قالعان ويىن” دەگەن ۋاعىزشىنىڭ ۆيدەوسىن جاريالاپ، كوپشىلىكتىڭ تالقىسىنا ۇسىندى. بۇل پىكىر الەۋمەتتىك جەلى قولدانۋشىلارى اراسىندا ءتۇرلى رەاكتسيا تۋعىزىپ، كوكپاردىڭ شىنايى شىعۋ تەگى تۋرالى سۇراقتار تۋدىردى.
بلوگەر بۇل داۋلى پىكىرگە جاۋاپ الۋ ءۇشىن گۋگلگە جۇگىنىپ، “كوكپار قازاقتىڭ ويىنى ەمەس پە؟” دەگەن ساۋال قويدى.
گۋگل:«كوكپار – قازاقتىڭ عاسىرلار بويى ۇرپاقتان ۇرپاققا جالعاسىپ كەلە جاتقان ۇلتتىق ويىنى جانە بەلگىلى ءبىر ءدىني تۇلعاعا قاتىسى جوق ەكەنىن» ايتتى.
ۇلتتىق سپورت سالاسىنىڭ ماماندارى دا كوكپاردىڭ يسلامعا دەيىنگى داۋىردەن باستالاتىنىن ايتىپ كەلەدى. بەلگىلى ەتنوگرافتار مەن تاريحشىلار بۇل ويىندى تۇركى جانە موڭعول حالىقتارىنىڭ ورتاق مادەني مۇراسى رەتىندە قاراستىرادى. دەگەنمەن، ونىڭ قازاق اراسىندا ەرەكشە دامىپ، قازىرگى قازاقستاندا ۇلتتىق سپورت مارتەبەسىنە يە بولعانى – تاريحي شىندىق.
