يوردانيا كورولى ءىى ابداللا قازاقستان پرەزيدەنتى قاسىم-جومارت توقاەۆتى يوردان حاشيميت كورولدىگىنىڭ ەڭ جوعارى مەملەكەتتىك ناگراداسى – ء«ال-ناحدا» وردەنىمەن ماراپاتتادى، دەپ حابارلايدى "ادىرنا" ۇلتتىق پورتالى.
كورول توقاەۆتىڭ يوردانيا مەن قازاقستان اراسىنداعى دوستىق پەن ىنتىماقتاستىقتى نىعايتۋعا قوسقان ۇلەسىن ەرەكشە اتاپ ءوتتى. مەملەكەت باسشىسى بۇل ماراپاتتى زور قۇرمەتپەن قابىلداي وتىرىپ، ءىى ابداللا بەن ءال-حۋسەينگە جانە يوردان حالقىنا العىسىن ءبىلدىردى.
ء«سىزدى اسا كورنەكتى مەملەكەت قايراتكەرى ءارى كوشباسشى رەتىندە باعالايمىن. بۇل ماراپات قازاقستان مەن يوردانيا اراسىنداعى ءوزارا سەنىمگە نەگىزدەلگەن ىنتىماقتاستىقتىڭ سيمۆولى. بۇگىنگى كەلىسسوزدەردىڭ قورىتىندىسى سەرىكتەستىكتى ودان ءارى نىعايتۋعا تىڭ سەرپىن بەرەدى دەپ سەنەمىن»، – دەدى قاسىم-جومارت توقاەۆ.
پرەزيدەنت ەكى ەل اراسىنداعى كونسترۋكتيۆتى ديالوگ پەن تىعىز قارىم-قاتىناس الداعى ۋاقىتتا دا كەڭەيە ءتۇسىپ، وڭىرلىك جانە جاھاندىق تۇراقتىلىققا ىقپال ەتەتىنىنە سەنىم ءبىلدىردى.
