2015 جىلى 2 قىركۇيەك كۇنى استانا ۋاقىتىمەن ساعات 10.37-دە بايقوڭىر عارىش ايلاعىنان «سويۋز تما-18م» زىمىران-تاسىمالداعىشى ۇشىرىلدى. ونىڭ بورتىندا قازاقستاننىڭ ءۇشىنشى عارىشكەرى ايدىن ايىمبەتوۆ بولدى.
سونداي-اق، حالىقارالىق ەكيپاج قۇرامىندا رەسەيلىك عارىشكەر، №1 بورتينجەنەرى سەرگەي ۆولكوۆ، دانيا كورولدىگىنىڭ استروناۆتى اندرەاس موگەنسەن بولعان.
العاشىندا ايدىن ايىمبەتوۆ اشىق كەڭىستىككە قاتىسۋشى رەتىندە ۇشادى دەپ جوسپارلانعان ەدى، الايدا ۇشاتىن ۋاقىت تاياعاندا ونىڭ مارتەبەسى بىلىكتىلىگىنە سايكەس، "بورتينجەنەر-2" دەپ وزگەرتىلدى.
ەكيپاج جەرگە 12 قىركۇيەكتە 9 كۇن 20 ساعات 13 مينۋت 51 سەكۋندتان كەيىن ورالدى. ايدىن ايىمبەتوۆ عارىشقا ۇشقان تۇڭعىش قازاقستان رەسپۋبليكاسىنىڭ ازاماتى اتاندى.
10 كۇنگە جۋىق ۋاقىتقا سوزىلعان ساپاردا ايدىن ايىمبەتوۆ عارىشتاعى 5-ءشى ۇلتتىق عىلىمي زەرتتەۋ باعدارلاماسىن ورىندادى.
جالپى عارىشتىق زەرتتەۋ باعدارلاماسى 10 عىلىمي تاپسىرمادان قۇرىلعان، ونىڭ ىشىندە ارال جانە كاسپي تەڭىزدەرىنىڭ ەكولوگيالىق جاعدايىنا مونيتورينگ جۇرگىزۋ جانە "داستارحان-6" دەپ اتالعان ۇلتتىق تاعام ونىمدەرىنىڭ عارىشتاعى پايدالى قاسيەتتەرىن زەرتتەۋ بولدى.
ايدىن ايىمبەتوۆ – قازاقستان اسكەري-اۋە كۇشتەرىنىڭ گەنەرال-مايورى، قازاقستان رەسپۋبليكاسىنىڭ حالىق قاھارمانى. عارىشكەر 1972 جىلى 27 شىلدەدە قازىرگى جەتىسۋ اۋدانى، وتەناي اۋىلىندا دۇنيەگە كەلگەن.
