عارىشتان قىتايعا قايتا الماي قالعان عارىشكەرلەر – چەن دۋن، چەن چجۋنجۋي جانە ۆان تسزەءنىڭ جاعدايى قالىپتى. بۇل تۋرالى Associated Press اگەنتتىگى ايتتى، دەپ حابارلايدى «ادىرنا» ءتىلشىسى.
قاراشا ايىنىڭ باسىندا جارتى جىل بويى عارىشتا بولعان ءۇش قىتايلىق عارىشكەر «شەنچجوۋ-20» كەمەسىندەگى كاپسۋلاداعى اقاۋعا بايلانىستى جەرگە قايتا ورالا الماي وتىرعانى بەلگىلى بولعان ەدى.
قىتايدىڭ پيلوتتىق عارىش باعدارلاماسى باسقارماسى ولاردىڭ جاعدايىنا قاتىستى مالىمدەمە جاسادى.
«شەنچجوۋ-20» ەكيپاجىنىڭ جاعدايى جاقسى، ولار ادەتتەگى رەجيمدە ءومىر ءسۇرىپ، جۇمىس ىستەۋدى جالعاستىرۋدا»، – دەلىنگەن حابارلامادا.
قازىر عارىشكەرلەردىڭ «تيانگۋن» عارىش ستانتسياسىندا ەكەنى ايتىلدى. ولار وندا ءساۋىر ايىنان بەرى جۇمىس ىستەپ كەلەدى. ەكيپاج عىلىمي تاجىريبەلەر جۇرگىزىپ، اشىق عارىشقا شىعۋ جۇمىستارىن اتقارۋدا.
ال 31 قازاندا ۇشىرىلعان جاڭا ەكيپاج مۇشەلەرى قازىردىڭ وزىندە عارىش زەرتحاناسىنا جەتكەن.
عارىشكەردەردىڭ جەرگە قاشان ورالاتىنى ازىرگە بەلگىسىز. العاشقى جوسپار بويىنشا قايتارۋ وپەراتسياسى 5 قاراشادا ءوتۋى ءتيىس ەدى، الايدا ول كەيىنگە شەگەرىلدى.
