تارازدا جوق قانتتى 2 ميلليون تەڭگەگە ساتقان الاياق ايەل ۇستالدى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا”ۇلتتىق پورتالى.
مالىمەت بويىنشا، 29 شىلدەدە تاراز قالاسىنىڭ پوليتسياسىنا وبلىس ورتالىعىنىڭ تۇرعىندارىنان ارىز تۇسكەن. ولار بەيتانىس ادام ولارعا قانتتى ارزان باعامەن ساتۋعا ۋادە بەرىپ، اقشا العانىن ايتتى. كەيىن حابارلاسۋ مۇمكىن بولماي قالعان.
زالالدىڭ جالپى سوماسى 2 ميلليون تەڭگەدەن اسادى. "Anti-fraud" جەدەل-ىزدەستىرۋ ءىس-شارالارىنىڭ ناتيجەسىندە پوليتسيا قىزمەتكەرلەرى تاراز قالاسىنىڭ 23 جاستاعى تۇرعىنىن ۇستادى.
اتالعان فاكتى بويىنشا قىلمىستىق كودەكستىڭ 190-بابىنىڭ 1-بولىگى ("الاياقتىق") بويىنشا سوتقا دەيىنگى تەرگەۋ جۇرگىزىلىپ جاتىر.
كۇدىكتى ءوز كىناسىن تولىق مويىندادى. ونىڭ باسقا ۇقساس قىلمىستارعا قاتىسى بار-جوعى انىقتالىپ جاتىر.
”ادىرنا” ۇلتتىق پورتالى
