اقش پرەزيدەنتى دونالد ترامپ بەيجىڭدە وتكەن اسكەري پارادقا پىكىر ءبىلدىردى، دەپ حابارلايدى “ادىرنا” ۇلتتىق پورتالى.
بۇل تۋرالى اق ءۇي باسشىسى الەۋمەتتىك جەلىدەگى ءوز پاراقشاسىندا جازدى.
ترامپ جازباسىندا قىتايدىڭ ازاتتىعى جولىندا امەريكالىقتاردىڭ دا قازا تاپقانىن ەسكە سالدى. ول قىتاي حالقىنا مەرەكەلىك كۇن تىلەپ، پۋتين مەن كيم چەن ىنعا جىلى سالەم جولدادى.
الايدا ول ءوز سوزىندە قىتاي مەن رەسەي، كحدر اراسىنداعى «استىرتىن جوسپارعا» مەڭزەۋ جاسادى.
ايتا كەتەيىك، بۇگىن بەيجىڭدەگى تيانانمەن الاڭىندا ەكىنشى دۇنيەجۇزىلىك سوعىستىڭ اياقتالعانىنا 80 جىل تولۋىنا ارنالعان ءىرى اسكەري پاراد ءوتتى. شاراعا قاتىسۋشى قۇرمەتتى قوناق رەتىندە ۆلاديمير پۋتين مەن كيم چەن ىن ايتىلدى. اسكەري شەرۋدە قىتاي ارمياسى العاش رەت ستراتەگيالىق يادرولىق ۇشتاعانىنا كىرەتىن زىمىراندارىن كورسەتتى.
