پالەستينانى قولدايتىن ەكى اسكەري ارداگەر ەنتوني اگيلار مەن جوزەفين گيلبو اقش سەناتىنىڭ سىرتقى ىستەر جونىندەگى كوميتەتىنىڭ وتىرىسىن ءبولىپ، نارازىلىق بىلدىرگەننەن كەيىن قاماۋعا الىندى، دەپ حابارلايدى "ادىرنا".
ارداگەرلەر اقش ۇكىمەتىن، سەناتتى جانە كونگرەسستى گازا سەكتورىنداعى پالەستينالىقتارعا قارسى جاسالىپ جاتقان گەنوتسيدكە تىكەلەي قاتىسى بار دەپ ايىپتادى. ولاردىڭ ايتۋىنشا، ءاربىر امەريكالىق سالىق تولەۋشى بۇل گەنوتسيدكە قارجىلاي ۇلەس قوسىپ وتىر.
نارازىلىق كەزىندە بەلسەندىلەر:
«اقش-تىڭ گەنوتسيدكە قاتىسى بار!» دەپ ۇرانداتقان.
سونىمەن قاتار، ولار يزرايلگە بەرىلەتىن اسكەري جانە قارجىلىق قولداۋدى توقتاتۋعا شاقىردى. قۇقىق قورعاۋ ورگاندارىنىڭ مالىمەتىنشە، نارازىلىق بىلدىرۋشىلەر ءتارتىپتى بۇزعانى ءۇشىن قاماۋعا الىندى.
ۇقساس جاڭالىقتار
