اقتاۋ قالاسىنىڭ پروكۋرورى، اعا ادىلەت كەڭەسشىسى ەربولات ءابدىروۆ الماتى اۋەجايىندا ۇستالدى دەگەن اقپارات تارادى. بۇل تۋرالى «ينفورماتور KZ» جانە Yedilov Online Telegram-ارنالارى جازدى، دەپ حابارلايدى «ادىرنا» ءتىلشىسى.
48 جاستاعى پروكۋرور اۋەجايدا جانجال شىعارعان.
ء«ابدىروۆ ەڭبەك دەمالىسىندا استانادان الماتىعا ۇشىپ كەلگەن. الماتىعا قونعاننان كەيىن ونى پوليتسيانىڭ جەلىلىك ءبولىمى قىزمەتكەرلەرى ۇستاعان. ونىڭ ۇستىنەن قر اقبتك-ءنىڭ 440-بابى 1-بولىگى بويىنشا (قوعامدىق ورىنداردا الكوگولدىك ىشىمدىكتەر ءىشۋ نەمەسە ماس كۇيىندە پايدا بولۋ) جانە 434-بابى 1-بولىگى بويىنشا (قوعامدىق ورىنداردا بىلاپىت سويلەۋ، ازاماتتارعا ءتىل تيگىزىپ، ءتيىسۋ) حاتتاما تولتىرىلدى»،—دەلىنگەن حابارلامادا.
ماڭعىستاۋ وبلىستىق پروكۋراتۋراسى بۇل جاعدايعا تۇسىنىكتەمە بەردى.
«اتالعان فاكتىگە بايلانىستى قىزمەتتىك تەكسەرىس جۇرگىزىلۋدە، ونىڭ قورىتىندىسى بويىنشا قىزمەتكەرگە قاتىستى ءتيىستى شارالار قولدانىلادى»، –دەدى قۇزىرلى ورگان.
ايتا كەتەيىك، ءابدىروۆ استانا، ماڭعىستاۋ، باتىس قازاقستان جانە قاراعاندى وبلىستارىنىڭ پروكۋراتۋراسىندا، باس پروكۋراتۋرا مەن باس كولىك پروكۋراتۋراسىندا جۇمىس ىستەگەن.
