ۇلتتىق قاۋىپسىزدىك كوميتەتى 295 كونتەينەر ەسىرتكىنى جۇتىپ قويعان "جۇتقىشتار" دەپ اتالاتىن قازاقستانعا ەسىرتكى جەتكىزۋ كونتراباندالىق ارناسىنىڭ جولىن كەستى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، 24 قاڭتاردا ۇقك اقتاۋ قالاسىنىڭ حالىقارالىق اۋەجايىندا ۇقك ماڭعىستاۋ وبلىسى بويىنشا دەپارتامەنتىنىڭ جەدەل قىزمەتكەرلەرى مەن شەكاراشىلار ەسىرتكى تاسىمالدادى دەگەن كۇدىكپەن ەكى شەتەلدىك ازاماتتى ۇستاعان.
“جولاۋشىلاردىڭ ءىش قۋىسىنا رەنتگەنوسكوپيالىق زەرتتەۋ بوگدە زاتتاردىڭ بار ەكەنىن كورسەتتى. ارنايى مەديتسينالىق تاسىلدەرمەن شەتەلدىكتەردىڭ اسقازاندارىنان اپيىن توبىنىڭ ەسىرتكىسىنەن تۇراتىن 295 كونتەينەر شىعارىلدى. الىنعان زاتتاردىڭ جالپى سالماعى 2 كگ-دى قۇرادى”، – دەلىنگەن مالىمەتتە.
سوت شەشىمىمەن فيگۋرانتتارعا قاماۋدا ۇستاۋ تۇرىندەگى بۇلتارتپاۋ شاراسى تاڭدالعانى ايتىلادى.
“قىلمىستىق كودەكستىڭ 286-بابى 4-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلۋدە”، – دەپ قوستى ۇقك.
