يزرايل يەمەنگە بىرنەشە سوققى جاسادى. شابۋىل سالدارىنان 35 ادام قازا تاۋىپ، 131 ادام جاراقات العان، دەپ حابارلايدى «ادىرنا» ءتىلشىسى Saba اگەنتتىگىنە سىلتەمە جاساپ.
يزرايل اسكەرى حۋسيتتەردىڭ اسكەري كەشەندەرىن نىسانعا العان. الايدا شابۋىلدان ازاماتتىق عيماراتتار دا زارداپ شەككەن.
«جويىلعان نىسانداردىڭ اراسىندا تەرروريستىك رەجيمنىڭ سودىرلارى تابىلعان اسكەري لاگەرلەر، حۋسيتتەردىڭ اسكەري اقپارات ءبولىمىنىڭ شتابى جانە جانارماي قويماسى بار»،– دەدى يزرايل قورعانىس ارمياسى.
ساناعا جاسالعان شابۋىلداردان 28 ادام قازا بولىپ، 113-ءى جارالانعان. ەل-دجاۋف پروۆينتسياسىنىڭ حازم اۋدانىندا 7 بەيبىت تۇرعىن مەرت بولىپ، 18 ادام جارالانعان. جالپى قازا تاپقان جانە جارالانعاندار سانى 166 ادامعا جەتكەن.
تساحال بۇل قادامدى يەمەننەن يزرايلگە ۇشقىشسىز اپپاراتتار مەن زىمىراندار جىبەرىلگەنىنە جاۋاپ دەپ ءتۇسىندىرىپ وتىر.
قازىرگى تاڭدا يەمەننىڭ ازاماتتىق قورعانىس كۇشتەرى قيراعان عيماراتتاردىڭ استىنان مايىتتەردى شىعارىپ، زارداپ شەككەن اۋدانداردان قۇربانداردى ىزدەۋدى جالعاستىرىپ جاتىر.
