جامبىل وبلىسىندا 9-سىنىپ وقۋشىسى قازا تاپتى، دەپ حابارلايدى "ادىرنا" ۇلتتىق پورتالى Zakon.kz-كە سىلتەمە جاساپ.
وقيعا مەكتەپتىڭ اجەتحاناسىندا بولعان جانجال كەزىندە ورىن العان. تيگەن سوققىدان ءجاسوسپىرىم كوز جۇمعانى تۋرالى اقپاراتتى وبلىستىق پوليتسيا دەپارتامەنتى راستادى.
ۆەدومستۆونىڭ مالىمەتىنشە، بۇل فاكتى بويىنشا قىلمىستىق كودەكستىڭ 106-بابى 3-بولىگى («اۋىر دەنە جاراقاتىن ابايسىزدا ادام ولىمىنە اكەپ سوقتىرۋ») بويىنشا سوتقا دەيىنگى تەرگەۋ باستالعن.
كۇدىكتى ءجاسوسپىرىم ۋاقىتشا ۇستاۋ يزولياتورىنا قامالدى.
«قازىرگى ۋاقىتتا ءىستى تولىق، جان-جاقتى جانە وبەكتيۆتى تەرگەۋگە باعىتتالعان بارلىق قاجەتتى جەدەل-تەرگەۋ شارالارى جۇرگىزىلىپ جاتىر»، – دەدى جامبىل وبلىسى پد ءباسپاسوز قىزمەتى.
قىلمىستىق-پروتسەستىك كودەكستىڭ 201-بابىنا سايكەس قوسىمشا مالىمەتتەر جاريا ەتىلمەدى.
