الماتىدا جىل سايىنعى ءداستۇرلى Alma Fest-2025 فەستيۆالى جالعاسۋدا. ول قالانىڭ مول ءونىمىن جانە مادەني الۋاندىعىن بەينەلەيتىن مەرەكە رەتىندە تۇڭعىش پرەزيدەنت ساياباعىندا ءوتىپ جاتىر. فەستيۆالگە الماتى اكىمى دارحان ساتىبالدى قاتىستى.
ادەتتەگىدەي ساياباق اۋماعى اۋقىمدى ەگىن مەرەكەسى مەن ۇلتتىق داستۇرلەر الاڭىنا اينالدى. قوناقتار ءۇشىن الما جارمەڭكەسى، ەتنوايماق، قولونەر بۇيىمدارىنىڭ بازارى، گاسترونوميالىق الاڭدار، سپورتتىق جارىستار جانە ءتۇرلى ويىن-ساۋىق باعدارلامالارى ۇيىمداستىرىلدى. جارمەڭكەگە 50 فەرمەر شامامەن 100 توننا الما اكەلدى. كۇنى بويى فەستيۆالدى 100 مىڭعا جۋىق ادام تاماشالايدى دەپ كۇتىلۋدە.
مۋزىكالىق باعدارلامانى بەلگىلى ديدجەيلەردىڭ سەتتەرى سۇيەمەلدەسە، مەرەكە كەشكى ۋاقىتتا ۇلكەن كونتسەرتتىك باعدارلاماعا ۇلاسادى. ساحناعا TURAR, Astra, دوس-مۇقاسان، كارينا ابدۋللينا ي Royals Band سىندى تانىمال ارتيستەر شىعادى.
Alma Fest-2025 – الماتىنىڭ مۋزىكا، ءداستۇر، گاسترونوميا جانە وتباسىلىق دەمالىستى ءبىر ارناعا توعىستىرعان كۇزدىڭ ەڭ جارقىن وقيعالارىنىڭ بىرىنە اينالماق.
