قازاقستان پرەزيدەنتى قاسىم-جومارت توقاەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى. بۇل تۋرالى اقوردا جازدى، دەپ حابارلايدى "ادىرنا"
ەكى پرەزيدەنت قازاقستان مەن رەسەي اراسىنداعى ىنتىماقتاستىق ستراتەگيالىق سەرىكتەستىك جانە وداقتاستىق رۋحىندا دايەكتى تۇردە دامىپ كەلە جاتقانىن اتاپ ءوتىپ، ەكىجاقتى بايلانىستاردىڭ قازىرگى جاي-كۇيى مەن پەرسپەكتيۆاسىن تالقىلادى.
«قاسىم-جومارت توقاەۆ پەن ۆلاديمير پۋتين ساۋدا-ەكونوميكالىق، سونىڭ ىشىندە ەنەرگەتيكا، ونەركاسىپ جانە كولىك سالالارى بويىنشا بۇعان دەيىن قول جەتكىزىلگەن ۋاعدالاستىقتاردىڭ جۇزەگە اسىرىلۋىن قاراستىردى. مادەني-گۋمانيتارلىق بايلانىستاردىڭ نىعايىپ كەلە جاتقانىنا ءمان بەرىلدى. اڭگىمەلەسۋدە قازاقستان پرەزيدەنتىنىڭ رەسەي فەدەراتسياسىنا جاسايتىن مەملەكەتتىك ساپارىنا دايىندىق بارىسىنا ەرەكشە نازار بولىنگەن»، - دەپ حابارلايدى اقوردا.
سونداي-اق تاراپتار وڭىرلىك جانە حالىقارالىق كۇن ءتارتىبىنىڭ وزەكتى ماسەلەلەرى جونىندە پىكىر الماستى.
