استانا اكىمى جەڭىس قاسىمبەك ءماجىلىس كۋلۋارىندا LRT قاشان ىسكە قوسىلاتىنىن جانە ۆاگونداردى سىناقتان وتكىزۋ مەرزىمى قاشان اياقتالاتىنىن ايتتى، دەپ حابارلايدى “ادىرنا”.
"العاشقى پويىز كەلەسى اپتادا، 29 نەمەسە 30-دا ىسكە قوسىلادى دەپ كۇتىپ وتىرمىز، مىسالى، ءابۋ-دابي ستانتسياسىنان ماڭگىلىك ەل ارقىلى كوپىرگە قاراي. ءارى قاراي كۇن سايىن جۇمىس ۋاقىتىن، ستانتسيالار سانىن جانە پويىزداردى كوبەيتە بەرەمىز. ءبىر اپتادان كەيىن ۆاگوندار ءبىر-ەكى ستانتسيا ارالىعىندا سىناق رەجيمىندە جۇرەدى", - دەدى جەڭىس قاسىمبەك.
اكىمنىڭ ايتۋىنشا، سىناقتان وتكىزۋ مەرزىمى 3 ايدان 6 ايعا دەيىن سوزىلادى.
"قوسىمشا سەگىز پويىز قازان ايىندا كەلەدى، ال 18 قۇرامنىڭ ءبارى جەلتوقسانعا دەيىن جۇمىس ىستەي باستايدى. ءبىزدىڭ جوسپارىمىز بويىنشا بارلىق ۆاگون كەلەسى جىلدىڭ باسىنا دەيىن پايدالانۋعا بەرىلەدى. جەلتوقساننىڭ اياعىنا دەيىن نەمەسە قاڭتاردىڭ باسى مەن ورتاسىنا دەيىن بارلىق قۇرام سىناق رەجيمىندە جۇرەدى دەپ كۇتەمىز. بولجام بويىنشا جول ءجۇرۋ اقىسى 200 تەڭگە", - دەيدى ول.
دەگەنمەن، بۇگىن LRT-نىڭ سىناق رەجيمىندە ءجۇرىپ بارا جاتقانىن قالا تۇرعىندارى بايقاپ قالعان.
