بۇگىندە استانا مەكتەپتەرىندەگى جالپى وقۋشى سانى 255 مىڭ بالانى قۇرايدى. ەلوردانىڭ كوممۋنيكاتسيالار قىزمەتىندە وتكەن بريفينگتە قالالىق ءبىلىم باسقارماسىنىڭ باسشىسى قاسىمحان سەنعازىەۆ سىنىپتاردى ىرىكتەۋ تۋرالى ايتتى، دەپ حابارلايدى “ادىرنا” ۇلتتىق پورتالى.
ەلوردانىڭ جالپى ءبىلىم بەرەتىن مەكتەپتەرىندە ءبىرىنشى سىنىپتارعا قۇجات قابىلداۋ اعىمداعى جىلدىڭ 1 ساۋىرىنەن باستالدى. ءبىلىم بەرۋ مەكەمەلەرى 26 650 ءبىرىنشى سىنىپقا – 15 929 قازاق تىلىندە، 10 571 ورىس تىلىندە وقىتاتىن بالا قابىلدادى.
دارىندى بالالارعا ارنالعان مامانداندىرىلعان مەكتەپتەردەن باسقا بارلىق مەكتەپتەر ءبىرىنشى سىنىپقا ەمتيحانسىز قابىلدايدى. ەلەكتروندىق ۇكىمەتتىڭ www.egov.kz ۆەب-پورتالى ارقىلى قۇجاتتاردى قابىلداۋ اياقتالدى، ەندى اتا-انالار وتىنىشتەردى قاعاز تۇرىندە بەرەدى. ءار مەكتەپتە اتا-انالارعا كومەك كورسەتۋ ءۇشىن قابىلداۋ كوميسسياسى جۇمىس ىستەيدى، - دەدى قاسىمحان سەنعازيەۆ.
ەلوردادا جاڭا وقۋ جىلىنا 10, 11 (12) سىنىپتارعا وقۋشىلاردى قابىلداۋ 15 تامىزدا اياقتالدى.
