ءماجىلىستىڭ بۇرىنعى دەپۋتاتى گۇلجان قاراقۇسوۆانىڭ قىزى داننا قاراقۇسوۆا Blue Origin كومپانياسىنىڭ عارىشتىق ميسسياسىنا قاتىسىپ، عارىشقا ۇشاتىن العاشقى قازاقستاندىق تۋريست اتانباق، دەپ حابارلايدى «ادىرنا».
Blue Origin كومپانياسىنىڭ زەرتتەۋ ميسسياسى عارىشقا 8 قازاندا اتتانباق. وسىلايشا داننا كاراعۇسوۆا تاريحتا قازاقستاننان شىققان العاشقى عارىش ءتۋريستى اتانادى. سونىمەن بىرگە قازاقستان اتىنان عارىشتى باعىندىرعان تۇڭعىش ايەل بولماق.
داننا قاراعۇسوۆا بۇعان دەيىن يۆەنت جانە ديستريبۋتسيا سالاسىندا 25 جىلدان استام ەڭبەك ەتكەن. ول مەديا جانە يۆەنت-حولدينگ - First Media Group-تىڭ نەگىزىن قالاۋشىلاردىڭ ءبىرى.
«قازىر ءول وزىن-ءوزى رەتتەۋ سالاسىنداعى حالىقارالىق IT-جوباعا اتسالىسىپ جاتىر. عارىش ساپارى وسى زەرتتەۋ قىزمەتىنىڭ ءبىر بولىگى بولماق. عارىشتا ءول وز كومانداسى ازىرلەپ جاتقان تەحنولوگيالاردى جەكە تاجىريبەسىندە سىناپ كورەدى»، - دەپ جازىلعان First Media Group-تىڭ مالىمەتىندە.
داننا قاراعۇسوۆانىڭ ءوزى بۇل ساپار كوپتەن بەرگى ارمانىن ورىنداۋ جولىنداعى ءبىر باسپالداق ەكەنىن ايتادى.
«ادامزاتتىڭ بولاشاعى عارىشپەن بايلانىستى. ءبىز جاڭا كوكجيەكتەردى يگەرە وتىرىپ تەحنولوگيالاردى دامىتامىز جانە ءوز مۇمكىندىكتەرىمىزدى كەڭەيتەمىز. مەن ءۇشىن بۇل ساپارى جىلدار بويى ەڭبەكتەنگەن ارمانىمنىڭ ءبىر بولىگى ءارى زەرتتەۋ جوباسىنىڭ ماڭىزدى كەزەڭى», - دەيدى داننا كاراعۇسوۆا.
Blue Origin بۇگىن NS-36 ميسسياسىنىڭ ەكيپاج مۇشەلەرىن جاريالادى. قۇرامدا داننا قاراقۇسوۆادان بولەك، دجەفف ەلگين، دوكتور كلينت كەللي III, اارون نيۋمان، ۆيتالي وستروۆسكي جانە ەسىمى ازىرگە قۇپيا ساقتالعان تاعى ءبىر قاتىسۋشى بار.
ايتا كەتەيىك، داننا قاراعۇسوۆا ءماجىلىستىڭ بۇرىنعى دەپۋتاتى گۇلجان قاراقۇسوۆانىڭ قىزى، كاسىپكەر بەيبىت الىبەكوۆتىڭ بۇرىنعى ايەلى، ەكەۋىنىڭ ورتاق 3 بالاسى بار.
بۇعان دەيىن بەيبىت الىبەكوۆ Threads جەلىسىندە جاڭالىقپەن ءبولىسىپ، ەكس-ايەلىن ماقتان تۇتاتىنىن ايتقان بولاتىن.
