ءىسساپار بارىسىندا شاھار باسشىسى «اق جول فۋدس» جاۋاپكەرشىلىگى شەكتەۋلى سەرىكتەستىگىنىڭ وندىرىستىك الەۋەتىن كورىپ، ءوندىرىس پروتسەسى مەن ينفراقۇرىلىممەن قامتىلۋ بارىسىمەن تانىستى.
كاسىپورىن جىلىنا 1000 توننادان استام نان ونىمدەرىن وندىرۋمەن قاتار، ەت ونىمدەرى – اتاپ ايتقاندا، شۇجىق جانە سوسيسكا تۇرلەرىن دايىنداۋمەن دە اينالىسادى. تۇركىستان قالاسىندا ورنالاسقان بۇل ءوندىرىس ورنى بۇگىندە 80 ادامدى تۇراقتى جۇمىسپەن قامتىپ وتىر.
بۇل جوبا ءوڭىردىڭ ازىق-تۇلىك قاۋىپسىزدىگىن قامتاماسىز ەتۋگە جانە جەرگىلىكتى شاعىن جانە ورتا بيزنەستى دامىتۋعا ەلەۋلى ۇلەس قوسۋدا. تۇركىستاندا وندىرىستىك جانە كاسىپكەرلىك الەۋەتتى ارتتىرۋ ماقساتىندا قالا اكىمدىگى تاراپىنان جۇيەلى جۇمىستار جۇرگىزىلىپ كەلەدى. اتاپ ايتقاندا، وندىرىستىك ايماقتاردى ينفراقۇرىلىممەن قامتۋ، ينۆەستورلاردى قولداۋ جانە وتاندىق ءونىم وندىرۋشىلەرگە ناقتى قولداۋ كورسەتۋ باعىتىندا كەشەندى شارالار ىسكە اسۋدا.
وندىرىستىك نىسانداردى ارالاۋ بارىسىندا قالا اكىمى كاسىپ يەلەرىمەن پىكىر الماسىپ، ۇسىنىس-تىلەكتەرىن تىڭدادى. سونىمەن قاتار، جەرگىلىكتى ونىمدەردىڭ ساپاسىن ارتتىرۋ مەن ءوندىرىس اۋقىمىن كەڭەيتۋگە باعىتتالعان جۇمىستار الداعى ۋاقىتتا دا جالعاسىن تاباتىنىن جەتكىزدى.
ۇقساس جاڭالىقتار
