الماتى وبلىسى اكىمىنىڭ وكىمىمەن عاني مايلىباەۆ 2025 جىلعى 3 قازاننان باستاپ الماتى وبلىسى اكىمىنىڭ ورىنباسارى لاۋازىمىنا تاعايىندالدى.
عاني مايلىباەۆ 1987 جىلى دۇنيەگە كەلگەن. 2008 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن «قارجى» ماماندىعى بويىنشا، 2010 جىلى اتالعان وقۋ ورنىندا «قۇقىق جانە ەكونوميكا نەگىزدەرى» ماماندىعى بويىنشا ماگيستراتۋرانى تامامداعان.
سونىمەن قاتار، 2018 جىلى رەسەي فەدەراتسياسى پرەزيدەنتىنىڭ جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن «ايماقتىق جانە مۋنيتسيپالدى باسقارۋ» ماماندىعى بويىنشا اياقتاعان.
ەڭبەك جولىن 2008 جىلى الماتى قالاسى «نۇر وتان» پارتياسى بوستاندىق اۋداندىق فيليالىنىڭ ەسەپ جانە ستاتيستيكا سەكتورىنىڭ مەڭگەرۋشىسى بولىپ باستاعان.
كەيىنگى جىلدارى الماتى قالاسى «نۇر وتان» پارتياسىنىڭ الاتاۋ اۋداندىق فيليالىنىڭ زاڭگەر-كونسۋلتانتى، مەدەۋ اۋداندىق فيليالى توراعاسىنىڭ ءبىرىنشى ورىنباسارى، سونداي-اق مەدەۋ جانە ناۋرىزباي اۋداندارى اكىمىنىڭ ورىنباسارى لاۋازىمدارىندا قىزمەت اتقارعان. بۇعان قوسا، جامبىل وبلىسى تۋريزم باسقارماسىنىڭ باسشىسى قىزمەتىن دە اتقارعان.
2020 جىلدىڭ جەلتوقسان ايىنان باستاپ بۇگىنگە دەيىن الماتى قالاسى مادەنيەت باسقارماسىنىڭ باسشىسى لاۋازىمىندا جۇمىس ىستەگەن.
