فۋتبولدان قازاقستان ۇلتتىق قۇراماسى 2026 جىلعى الەم چەمپيوناتىنىڭ ىرىكتەۋ كەزەڭىندەگى كەزەكتى ماتچىندا ليحتەنشتەين كومانداسىمەن كەزدەسىپ، 4:0 ەسەبىمەن سەنىمدى جەڭىسكە جەتتى، دەپ حابارلايدى “ادىرنا”.
ويىننىڭ العاشقى مينۋتتارىنان-اق قازاقستاندىق فۋتبولشىلار باسىمدىق تانىتىپ، جىلدام گول سوعۋعا ۇمتىلدى. 26-مينۋتتا عالىمجان كەنجەبەك قارسىلاستار قاقپاسى ماڭىندا بىرنەشە ويىنشىنى الداپ ءوتىپ، الىستان باعىتتاعان دوبىن ءدال تورعا ءتۇسىردى.
ءبىراز ۋاقىتتان كەيىن سول كەنجەبەكتىڭ پاسىنان كەيىن باحتيور زاينۋتدينوۆ ەسەپتى ەسەلەي ءتۇستى.
ەكىنشى تايمدا دا ءبىزدىڭ قۇراما شابۋىل قارقىنىن باسەڭدەتپەدى. 57-مينۋتتا عالىمجان كەنجەبەك دۋبل اۆتورى اتانسا، 81-مينۋتتا الىبەك قاسىم سوڭعى نۇكتەنى قويدى.
وسىلايشا قازاقستان قۇراماسى ءۇش ويىننان كەيىن العاشقى جەڭىسىنە قول جەتكىزىپ، جەڭىلىستەر سەرياسىن ءۇزىپ وتىر.
