اۆتوبۋس اپاتىندا ەكى اياعىنان ايىرىلعان الۋا بەكەن پروتەزبەن العاشقى قادامدارىن جاساپ جاتىر، دەپ حابارلايدى «ادىرنا» ءتىلشىسى.
قايعىلى وقيعادان كەيىن 8 جاستاعى قىزعا بىرنەشە كۇردەلى وتا جاسالدى. قازىر ول وڭالتۋ كۋرسىن ءوتىپ، قايتادان ءجۇرۋدى ۇيرەنىپ كەلەدى. الۋانىڭ العاشقى قادامدارى تۇسىرىلگەن ۆيدەو Instagram-داعى ارنايى قايىرىمدىلىق پاراقشاسىندا جاريالاندى.
جەلى قولدانۋشىلارى كىشكەنتاي قىزدىڭ ەرىك-جىگەرىنە ءتانتى بولىپ، جىلى پىكىرلەر قالدىرۋدا.
«دارىگەرلەر مەن اتا-اناسىنا مىڭ العىس! بۇل – ۇلكەن جەڭىس!» – دەپ جازدى ولار.
ەسكە سالايىق، 2 ماۋسىمدا استانادا اۆتوبۋس باعانعا سوعىلىپ، الۋا بەكەن زارداپ شەككەن بولاتىن. دارىگەرلەر ونىڭ ەكى اياعىن امپۋتاتسيالاۋعا ءماجبۇر بولدى.
ۇقساس جاڭالىقتار
تاعى ءبىر اۆتوبۋس اپاتى. قاراعاندى وبلىسىندا وقىس وقيعادان ءۇش ادام قازا تاۋىپ، تورتەۋى زارداپ شەكتى
