اقتاۋدا №1 شاعىن اۋدانىنداعى ونكولوگيالىق ورتالىق پەن ايالداما ماڭىنان ەر ادامنىڭ ءمايىتى تابىلدى. بۇل تۋرالى Lada.kz سايتى جازدى، دەپ حابارلايدى “ادىرنا”.
كۋاگەرلەردىڭ ايتۋىنشا، ەر ادامنىڭ دەنەسى ونكوورتالىقتىڭ جانىندا، ايالداما ماڭىندا جاتقان. وقيعا تاڭەرتەڭ بولعان.
جەرگىلىكتى تۇرعىندار بىردەن پوليتسيا مەن جەدەل جاردەم قىزمەتىنە حابار بەرگەن.
ماڭعىستاۋ وبلىستىق پوليتسيا دەپارتامەنتى مارقۇمنىڭ كوشەدە كەنەتتەن قايتىس بولعانىن حابارلادى.
«ەر ادام كوز جۇمدى. ول بەيىمدەۋ ورتالىعىندا تۇرعان. قازىرگى ۋاقىتتا سوت-مەديتسينالىق ساراپتاما تاعايىندالدى، ءولىم سەبەبى انىقتالىپ جاتىر»، – دەلىنگەن پد حابارلاماسىندا.
ءتارتىپ ساقشىلارىنىڭ مالىمەتىنشە، اتالعان فاكت بويىنشا تەرگەۋ امالدارى باستالدى.
ۇقساس جاڭالىقتار
