قازاقستاندا ەڭ تومەنگى جالاقى دەڭگەيى كەلەسى جىلى دا وزگەرىسسىز قالادى. بۇل تۋرالى ءماجىلىس دەپۋتاتى داۋلەت مۇقاەۆ ءوز پىكىرىن ءبىلدىردى، دەپ حابارلايدى «ادىرنا» ءتىلشىسى.
«وكىنىشكە قاراي، ءبىز ول 85 000-دى قانشا جەردەن كوتەرۋدى ۇسىنعانىمىزبەن، كەلەسى جىلى مينيمالدى ايلىق سول دەڭگەيدە قالىپ وتىر. “بۇنى ەشكىم المايدى” دەپ ۇلتتىق بانك توراعاسى دا ايتتى. ول “بۇل جاي عانا سان” دەدى. مەن وعان كەلىسە المايمىن، سەبەبى مەن ەڭبەك جانە حالىقتى الەۋمەتتىك قورعاۋ ءمينيسترى سۆەتلانا قابىكەنقىزىنا جولداعان ساۋالىمدا ناقتى سانداردى سۇراعان كەزدە، ءبىزدىڭ ەلىمىزدە شامامەن 1 100 000-نان استام ادام سول 85 000 تەڭگەنىڭ ايلىعىن الىپ وتىر. ءيا، وقۋ كەرەك، توقۋ كەرەك، ارەكەت ەتۋ كەرەك دەپ ايتامىز عوي. بىراق ولاردى وقىتۋ ءۇشىن دە ۇكىمەت مۇددەلى بولۋ كەرەك قوي. جاڭادان كۋرستار اشۋ، مۇمكىن، جۇمىسشى ماماندىقتارعا ۇيرەتۋ، مۇمكىن، كوللەدجگە وقۋعا ىنتالاندىرۋ سياقتى تالپىنىس جۇمىستارىن جۇرگىزۋ قاجەت. وكىنىشكە قاراي، مەن ونداي نارسەنى كورىپ وتىرعان جوقپىن»، – دەدى دەپۋتات. سونداي-اق داۋلەت مۇقاەۆ ينفلياتسيا دەڭگەيىنىڭ جوعارى بولۋى حالىقتىڭ تابىسىنا تىكەلەي اسەر ەتىپ وتىرعانىن ايتتى.
ء«يا، كەلىسەمىن — 85 000 تەڭگە ەشتەڭەگە جەتپەيدى. سەبەبى ينفلياتسيانىڭ ءوزى 12,9 پايىز بولىپ وتىر. جاڭاعى ايتقانداي، 5–6%-دىق جوسپار تۇر ۇلتتىق بانكتە، بىراق ونىڭ اۋىلى الىس. مۇمكىن، ۇكىمەت كەيدە شەشە الماي جۇرگەن ماسەلەلەردى پرەزيدەنت مىندەتتى تۇردە ۇندەۋ جولداپ، سول ماسەلەنى كوتەرەتىنى انىق»، – دەدى ول.
دەپۋتاتتىڭ ايتۋىنشا، ەڭ تومەنگى جالاقى مولشەرى حالىقارالىق ستاندارتتارعا سايكەس كەلمەيدى. «جالپى، مەديانالىق ايلىق دەگەن بار — بۇل دۇنيەجۇزىلىك فورمۋلا. سول ەسەپتىڭ دەڭگەيىندە مەديانالىق ايلىقتىڭ ەلۋ پايىزى ەڭ تومەنگى جالاقىبولۋى كەرەك. ول شامامەن 150–160 مىڭ تەڭگە دەڭگەيىندە بولۋ كەرەك ەدى. وكىنىشكە قاراي، ءبىز ول مولشەردەن ەكى ەسە تومەنبىز»، – دەدى ءماجىلىس دەپۋتاتى
