پرەزيدەنت قاسىم-جومارت توقاەۆ شۇعىلا ومىربەكتى ايەلدەر اراسىنداعى كۇرەستەن U23 الەم چەمپيوناتىنىڭ جەڭىمپازى اتانۋىمەن قۇتتىقتادى، دەپ حابارلايدى “ادىرنا”.
پرەزيدەنتتىڭ قۇتتىقتاۋ ءسوزىن 2025 جىلى 25 قازاندا اقوردانىڭ ءباسپاسوز قىزمەتى جاريالادى:
"بۇل – تاريحي جەڭىس. ويتكەنى ەلىمىز مۇنداي حالىقارالىق جارىستا العاش رەت التىن مەدال يەلەنىپ وتىر. ءار سالادا ءوزىنىڭ تاباندىلىعىمەن، ەڭبەكقورلىعىمەن تابىسقا جەتەتىن جاستاردىڭ ءوسىپ كەلە جاتقانى قۋانتادى. شۇعىلانىڭ الداعى ۋاقىتتا دا بيىك بەلەستەردى باعىندىرا بەرۋىنە تىلەكتەستىك بىلدىرەمىن!".
ايتا كەتسەك، ايەلدەر كۇرەسىنەن قازاقستان قۇراماسىنىڭ وكىلى شۇعىلا ومىربەك سەربيانىڭ نوۆي-ساد قالاسىندا ءوتىپ جاتقان الەم چەمپيوناتىنىڭ التىن جۇلدەگەرى اتاندى. وتانداسىمىز 55 كەلىگە دەيىنگى سالماقتا قارسىلاس شاق كەلتىرمەدى. شۇعىلا فينالدا تۇركيا ەلىنىڭ وكىلى تۋبا دەميرمەن التىن جۇلدەنى ساراپقا سالدى. ناتيجەسىندە قازاقستاندىق بالۋان 12:8 ەسەبىمەن باسىم ءتۇستى. بۇل سپورت تۇرىنەن بۇعان دەيىن قازاقستان سپورتشىلارىنىڭ ءبىر دە ءبىرى فينالعا دا جەتە الماعانىن باسا ايتا كەتەلىك.
