Prezident Qasym-Jomart Toqaev Şūǧyla Ömırbektı äielder arasyndaǧy küresten U23 älem chempionatynyŋ jeŋımpazy atanuymen qūttyqtady, dep habarlaidy “Adyrna”.
Prezidenttıŋ qūttyqtau sözın 2025 jyly 25 qazanda Aqordanyŋ baspasöz qyzmetı jariialady:
"Būl – tarihi jeŋıs. Öitkenı elımız mūndai halyqaralyq jarysta alǧaş ret altyn medal ielenıp otyr. Är salada özınıŋ tabandylyǧymen, eŋbekqorlyǧymen tabysqa jetetın jastardyŋ ösıp kele jatqany quantady. Şūǧylanyŋ aldaǧy uaqytta da biık belesterdı baǧyndyra beruıne tılektestık bıldıremın!".
Aita ketsek, äielder küresınen Qazaqstan qūramasynyŋ ökılı Şūǧyla Ömırbek Serbiianyŋ Novi-Sad qalasynda ötıp jatqan älem chempionatynyŋ altyn jüldegerı atandy. Otandasymyz 55 kelıge deiıngı salmaqta qarsylas şaq keltırmedı. Şūǧyla finalda Türkiia elınıŋ ökılı Tuba Demirmen altyn jüldenı sarapqa saldy. Nätijesınde qazaqstandyq baluan 12:8 esebımen basym tüstı. Būl sport türınen būǧan deiın Qazaqstan sportşylarynyŋ bır de bırı finalǧa da jete almaǧanyn basa aita ketelık.
