Memleket basşysy Qasym-Jomart Toqaev Cameco korporasiiasynyŋ prezidentı Tim Gitseldı qabyldady, dep habarlaidy “Adyrna”.
Prezidenttıŋ Niu-Iork qalasyndaǧy jūmys sapary kanadalyq transūlttyq kompaniianyŋ basşysymen kezdesuden bastaldy. Jüzdesude uran öndıru salasyndaǧy yntymaqtastyq perspektivasy talqylandy.
"Qasym-Jomart Toqaev Cameco "Qazatomönerkäsıp" ūlttyq kompaniiasynyŋ būrynnan kele jatqan senımdı serıktesı ekenın atap öttı. Elımızde qyzmet ete bastaǧannan berı atalǧan kompaniia 500 million dollardan astam investisiia qūiǧan ärı tehnologiialar transfertıne yqpal etken. Memleket basşysynyŋ aituynşa, Qazaqstan energetikany damytudyŋ jaŋa kezeŋıne ötıp, aldaǧy uaqytta üş atom elektr stansasyn saludy közdep otyr. Elımız atom salasynda qoldanylatyn innovasiialyq täsılderge qyzyǧuşylyq tanytady", delıngen 2025 jylǧy 21 qyrküiektegı Aqorda habarlamasynda.
Tim Gitsel Prezidentke "İnkai" bırlesken käsıpornynyŋ qazırgı qyzmetı men josparlary jönınde aqparat bergenı de naqtylanady. Būl kompaniia Türkıstan oblysynda ornalasqan ken ornyn şirek ǧasyrdan berı igerıp keledı.
Būǧan deiın Memleket basşysy Qasym-Jomart Toqaevtyŋ Niu-Iorktegı jūmys sapary bastalǧany habarlandyq.
