Memleket basşysy Qasym-Jomart Toqaev Altyn Orda turaly halyqaralyq arenadaǧy tüsınık Qazaqstanmen tıkelei bailanysty boluy kerektıgın aitty, dep habarlaidy "Adyrna" tılşısı.
Ūlttyq qūryltaidyŋ üşınşı otyrysyndaǧy sözınde Prezident mädeni mūrany saqtap, ony därıpteu kerek ekenın aitty.
"Qazaqstan – Ūly daladaǧy köşpendıler örkenietınıŋ tıkelei mūragerı. Jer jüzıne Altyn Orda degen atpen tanylǧan äigılı Joşy Ūlysy Ortalyq Euraziianyŋ baitaq dalasyndaǧy eŋ quatty memleket retınde moiyndalǧan. Osy ortaǧasyrlyq derjavanyŋ geosaiasi mūrasy bırqatar Euraziia memleketınıŋ, sonyŋ ışınde Qazaq handyǧynyŋ qūryluyna negız boldy. Ūlyq Ūlystyŋ jerınde san aluan etnos jäne dın ökılderı bır şaŋyraqtyŋ astynda ömır sürdı. Türlı mädenietter özara astasyp, memleket qūru ısınıŋ bıregei ülgısı qalyptasty. Joşy äuletı 6 ǧasyr boiy Ortalyq Euraziianyŋ taǧdyryna tıkelei yqpal ettı. Ūlan-ǧaiyr aumaqta bırtūtas örkeniet qūruǧa ūmtyldy. Joşy ūlysy Ūly dalany meken etken halyqtardyŋ san ǧasyrlyq damu baǧdaryn aiqyndap otyrdy. Ūlyq ūlys memlekettı basqaru ısın jaŋa deŋgeige köterdı. Onyŋ Rim imperiiasymen ūqsastyǧy da – osynda", - dedı Qasym-Jomart Kemelūly.Odan bölek, Prezident Altyn Orda turaly halyqaralyq arenadaǧy tüsınık Qazaqstanmen tıkelei bailanysty boluy keregın atap öttı.
"Biyl Joşy ūlysynyŋ negızı qalanǧanyna 800 jyl toldy. Bügıngı jiynymyz da osy mereilı beleske tūspa-tūs kelıp otyr. Mūnyŋ zor simvoldyq mänı bar. Bız asta-tök toi jasauǧa emes, salmaqty zertteu jürgızuge basa män beruımız kerek. Joşy ūlysy Qazaqstannyŋ memlekettılık dästürınde airyqşa oryn alady. Elımızdıŋ ötkenı, bügını men bolaşaǧy onyŋ tarihi mūrasymen tyǧyz astasyp jatyr. Endeşe, Altyn Orda turaly halyqaralyq arenadaǧy tüsınık Qazaqstanmen tıkelei bailanysty boluy kerek. Jaqynda Altyn Ordanyŋ tarihy jäne äigılı tūlǧalary turaly köp seriialy derektı film tüsıru üşın tiıstı jūmystar bastaldy. Oǧan şeteldıŋ tanymal mamandary tartylyp jatyr. Film belgılı halyqaralyq platformalar arqyly körsetıluı kerek. Jalpy elımızdı älemge tanytu üşın Altyn Orda brendın jan-jaqty jäne keŋınen paidalanu qajet. Ony tolyq zertteu üşın tabandy jūmys ısteu kerek. Būl baǧytta bıraz şarua atqaryldy. Menıŋ bastamammen Joşy Ūlysyn zertteitın ǧylymi institut qūryldy", - dedı Memleket basşysy.Prezident Qazaqstannyŋ jetı tomdyq jaŋa akademiialyq tarihyn jazu üşın naqty jūmys jasalyp jatqanyn aitty. Qūndy eŋbektı jazu üşın 250-den astam ǧalym, sonyŋ ışınde 60 şeteldık maman jūmyldyrylǧan. Zertteu tobynyŋ qatarynda jaqynda ömırden ötken Reseidıŋ körnektı tarihşysy Vadim Trepavlov bar.
"Ökınışke qarai, ol jaqynda ömırden ozdy. Bıraq Vadim Trepavlov öte qūndy zertteu materialdaryn äzırlep, ony köptomdyqtyŋ redaksiialyq alqasyna tabystap kettı. Būl – Qazaqstan men Reseidıŋ tarihi mektepterı arasyndaǧy tiımdı yqpaldastyqtyŋ jarqyn körınısı", - dedı QR Prezidentı.
Ūqsas jaŋalyqtar
