Bügın — Qazaqstan Respublikasynyŋ Konstitusiiasy kün.
Qazırgı Konstitusiia jalpyhalyqtyq referendum negızınde 1995 jyldyŋ 30 tamyzynda qabyldanyp, 5 qyrküiegınde küşıne endı. Oǧan 1998 jyly jäne 2007 jyly tolyqtyrular men özgertuler engızıldı. Ata Zaŋ – 9 tarau jäne 98 baptan tūrady.
Büıngı taŋda Qazaqstannyŋ Ata zaŋy älemdegı eŋ jas Konstitusiialardyŋ bırı bolyp sanalady.
Memleket basşysy Qasym-Jomart Toqaev qazaqstandyqtardy Konstitusiia künımen qūttyqtauynda Ata zaŋnyŋ basty qūjat ekenın atap öttı.
«Ata zaŋ – memlekettılıgımızdıŋ myzǧymas tıregı ärı elımızdıŋ saiasi jäne qoǧamdyq qūrylysyn, ainymas qūndylyqtary men damu jolyndaǧy strategiialyq baǧyt-baǧdaryn aiqyndaityn basty qūjatymyz. Jalpyūlttyq referendum arqyly jaŋartylǧan Konstitusiiamyz ūltty ūiystyrudyŋ naǧyz simvolyna ainaldy. Sondai-aq negızgı zaŋymyz eldıŋ saiasi jüiesın demokratiialandyrudy, zaŋ üstemdıgın qamtamasyz etudı jäne halyqtyŋ äl-auqatyn arttyrudy közdeitın auqymdy özgerısterdıŋ berık tūǧyry sanalady. Konstitusiialyq Sottyŋ qūryluy – osyndai institusionaldy reformanyŋ bırı. Būl qūrylym azamattardyŋ qūqyqtary men bostandyqtary qorǧalatynyna ärdaiym kepıldık beretın Ata zaŋymyzdyŋ rölın meiılınşe arttyrdy»,—dedı Memleket basşysy.Prezident Ädılettı Qazaqstandy qūruda Konstitusiianyŋ erekşe oryn alatynyn aitty.
«Jalpyǧa bırdei jol aşatyn Ädılettı Qazaqstandy qūru üşın Konstitusiia qaǧidalary qataŋ saqtalyp qana qoimai, qoǧamnyŋ sana-sezımıne bırjola ornyǧuǧa tiıs. «Adal azamat» degen atqa laiyq ärbır adam Ata zaŋnyŋ biık mūrattaryn qoldaitynyna jäne ony ömırlık ūstanymyna ainaldyratynyna nyq senımdımın. Barşaŋyzǧa zor densaulyq, baq-bereke jäne tolaǧai tabys tıleimın!»—dep tüiındedı ol.
Ūqsas jaŋalyqtar
