اقىلى جولداردا جىلدامدىقتى اسىرعاندار اۆتوماتتى تۇردە تىركەلەدى

29 قازاننان باستاپ اقىلى اۆتوجولداردا جىلدامدىق رەجيمىن بۇزۋ دەرەكتەرىن اۆتوماتتى تۇردە اكىمشىلىك ءىس جۇرگىزۋدىڭ بىرىڭعاي ءتىزىلىمىنىڭ پروتسەسسينگتىك ورتالىعىنا جىبەرىلەدى. بۇل تۋرالى «قازاۆتوجول» ۇلتتىق كومپانياسى ايتتى، دەپ حابارلايدى «ادىرنا» ءتىلشىسى.

ەندى كولىك جۇرگىزۋشىلەرىنىڭ جىلدامدىقتى ارتتىرۋ جاعدايلارى اۆتوماتتى باقىلاۋ اركالارى ارقىلى تىركەلىپ، اقپارات تىكەلەي جۇيەگە تۇسەدى.

كومپانيا مالىمەتىنشە، بۇل جاڭاشىلدىق جول قوزعالىسى ەرەجەلەرىن بۇزۋ فاكتىلەرىن وڭدەۋ كەزىندە اشىقتىقتى، ادىلدىكتى جانە جاۋاپكەرشىلىكتى قامتاماسىز ەتۋگە باعىتتالعان.

جىلدامدىق تىركەلەتىن نەگىزگى ۋچاسكەلەر:

"كوكشەتاۋ – پەتروپاۆل" اۆتوجولى:

354 كم – "دراگوميروۆكا" باقىلاۋ اركاسى;

443,8 كم – "استراحانكا" باقىلاۋ اركاسى;

473,1 كم – "بەسكول" باقىلاۋ اركاسى.

"الماتى – قورعاس" اۆتوجولى:

38,2 كم – "بالتاباي" باقىلاۋ اركاسى;

204,6 كم – "ۇيعىر" باقىلاۋ اركاسى;

205,4 كم – "پانفيلوۆ" باقىلاۋ اركاسى.

جۇيە كولىكتىڭ ناقتى قوزعالىس جىلدامدىعىن تىركەپ، ونى بەلگىلەنگەن شەكتەۋمەن سالىستىرادى. ەگەر جىلدامدىق اسىپ كەتسە، اقپارات اۆتوماتتى تۇردە ءاىبت پو جۇيەسىنە جىبەرىلىپ، اكىمشىلىك ماتەريالدار قالىپتاستىرىلادى.