«قازاۆتوجول» قىزىلوردا وبلىسىنداعى 40 جىل جوندەۋ كورمەگەن رەسپۋبليكالىق اۆتوجولدارعا جاڭعىرتۋ جۇمىستارىن جۇرگىزەدى، دەپ حابارلايدى "ادىرنا" ءتىلشىسى كۋرسيۆكە سىلتەپ.
"تاس جولدىڭ قىزىلوردا وبلىسىنا تيەسىلى تەلىمىن قايتا جاڭارتۋ جۇمىستارى التى ۋچاسكەگە بولىنگەن. قازىر بەس ۋچاسكەدە جۇمىس جۇرىپ جاتىر. بۇگىندە جولشىلار 24-127 شاقىرىم ۋچاسكەسىندە قۇنارلى جەر قاباتىن الۋ، اينالما جولداردى سالۋ، جابىندى تەرەڭ قوپسىتۋ جانە قولدانىستاعى جول جابىنىن الۋ جۇمىستارىن جۇرگىزىپ جاتىر. ال 127-216 شاقىرىم ۋچاسكەسىندە اينالما جولمەن كولىك قوزعالىسىن قامتاماسىز ەتۋ شارالارى قولعا الىندى. بۇل اۆتوجولداعى جۇمىستار كەزەڭ-كەزەڭىمەن 2022 جىلى باستالعان", – دەلىنگەن حابارلامادا.
قىزىلوردا وبلىسىنا قاراستى اۆتوجول ۋچاسكەسىندەگى قايتا جاڭارتۋ جۇمىستارى تولىق 2025 جىلدىڭ سوڭىندا اياقتالادى دەپ جوسپارلانۋدا.
