قازاقستاننىڭ ەڭبەك سىڭىرگەن قايراتكەرى، اكتريسا ومىردەن ءوتتى، دەپ حابارلايدى "ادىرنا" ۇلتتىق پورتالى.
قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ نەگىزىن قالاۋشىلاردىڭ ءبىرى، كورنەكتى اكتريسا رىمكەش ومارحانوۆا ومىردەن وزعانى تۋرالى دراما تەاترى حابارلادى.
«رىمكەش ومارحانقىزىنىڭ ومىردەن وتۋىنە بايلانىستى مارقۇمنىڭ تۋعان-تۋىستارى مەن جاقىندارىنا قايعىرىپ كوڭىل ايتامىز. رىمكەش ومارحانقىزى جارتى عاسىردان استام ۋاقىتىن ۇلتتىق ساحنا ونەرىنىڭ دامۋىنا ارناعان، 150-دەن استام ءرولدى سومداپ، قازاق تەاترىنىڭ التىن قورىن بايىتقان دارا اكتريسا بولدى. ول قاراعاندى قالاسىنداعى س.سەيفۋللين اتىنداعى تەاتردا شىڭدالىپ، كەيىن ەلورداداعى قاليبەك قۋانىشباەۆ اتىنداعى قازاق ۇلتتىق مۋزىكالىق دراما تەاترىنىڭ اشىلۋىنا زور ۇلەس قوستى»، – دەلىنگەن.
اكتريسانىڭ ەڭبەك جولىندا ماقپال («قوزى كورپەش – بايان سۇلۋ»), تولەگەننىڭ اناسى («قىز جىبەك»), ءمورجان («قاراگوز»), ەڭلىك («ەڭلىك–كەبەك»), تاڭقىبيكە («تۇنگى سارىن»), تولعاناي («انا–جەر–انا»), كاتەرينا («نايزاعاي»), دجۋلەتتا («رومەو مەن دجۋلەتتا»), بيعايشا («كۇشىك كۇيەۋ»), گاننا («كەش») سياقتى رولدەر بار.
رىمكەش ومارحانوۆا قازاق تەاترى مەن مادەنيەتىنە قوسقان وراسان زور ۇلەسىمەن ەستە قالادى.
