وسىدان 83 جىل بۇرىن، ياعني، 1937 جىلى 8 مامىردا قازاقتىڭ اتاقتى اكتەرى، رەجيسسەر ءاسانالى ءاشىموۆ دۇنيەگە كەلدى.
جامبىل وبلىسى، سارىسۋ اۋدانى، جايىلما اۋىلىندا تۋعان. قۇرمانعازى اتىنداعى مەملەكەتتىك كونسەرۆاتوريانى بىتىرگەن، دراما تەاترىنىڭ اكتەرى. ت.جۇرگەنوۆ اتىنداعى ۇلتتىق ونەر اكادەمياسىنىڭ پروفەسسورى. بىرنەشە كىتاپتىڭ اۆتورى.
1961 جىلدان «قازاقفيلم» كينوستۋدياسىنىڭ جانە 1964 جىلدان م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتەرى بولدى. «بوتاگوز»، «اساۋ ەرتىس جاعاسىندا»، «ءبىر اۋداندا»، «ۇشى-قيىرسىز جول» «قىز جىبەك»، «اتاماننىڭ اقىرى»، «ءترانسسىبىر ەكسپرەسى»، «جاۋشى» جانە باسقا دا كوپتەگەن فيلمدەرگە تۇسكەن. تەاتردا «اباي» سپەكتاكلىندە اباي، «ەڭلىك-كەبەكتە» كەبەك، «قاراقىپشاق قوبىلاندىدا» شۋاق، «قان مەن تەردە» ەلامان رولدەرىن سومدادى.
«قاراقىپشاق قوبىلاندىدا» شۋاق، «قان مەن تەردە» ەلامان رولدەرىن سومدادى. ن.گوگولدىڭ «رەۆيزورىن»، ع.مۇسىرەپوۆتىڭ «امانگەلدى»، ن.ورانباەۆتىڭ «مەن ىشپەگەن ۋ بار ما؟» ج.ايماۋىتوۆتىڭ «اقبىلەك» سپەكتاكلدەرىن ساحنالادى. «شوقان ءۋاليحانوۆ»، «قوزى كورپەش - بايان سۇلۋ»، «ءسىز كىمسىز، كا مىرزا؟» فيلمدەرىن ءتۇسىردى.
«وتان» وردەنىمەن، م.ۆ.لومونوسوۆ اتىنداعى، «التىن قىران» وردەندەرىمەن ماراپاتتالعان. كسرو جانە قر حالىق ءارتىسى، كسرو مەملەكەتتىك سىيلىعىنىڭ لاۋرەاتى.
