Osydan 83 jyl buryn, ıaǵnı, 1937 jyly 8 mamyrda qazaqtyń ataqty akteri, rejısser Asanáli Áshimov dúnıege keldi.
Jambyl oblysy, Sarysý aýdany, Jaıylma aýylynda týǵan. Qurmanǵazy atyndaǵy memlekettik konservatorııany bitirgen, drama teatrynyń akteri. T.Júrgenov atyndaǵy ulttyq óner akademııasynyń professory. Birneshe kitaptyń avtory.
1961 jyldan «Qazaqfılm» kınostýdııasynyń jáne 1964 jyldan M.Áýezov atyndaǵy Qazaq memlekettik akademııalyq drama teatrynyń akteri boldy. «Botagóz», «Asaý Ertis jaǵasynda», «Bir aýdanda», «Ushy-qıyrsyz jol» «Qyz Jibek», «Atamannyń aqyry», «Transsibir ekspresi», «Jaýshy» jáne basqa da kóptegen fılmderge túsken. Teatrda «Abaı» spektaklinde Abaı, «Eńlik-Kebekte» Kebek, «Qaraqypshaq Qobylandyda» Shýaq, «Qan men terde» Elaman rólderin somdady.
«Qaraqypshaq Qobylandyda» Shýaq, «Qan men terde» Elaman rólderin somdady. N.Gogoldiń «Revızoryn», Ǵ.Músirepovtiń «Amangeldi», N.Oranbaevtyń «Men ishpegen ý bar ma?» J.Aımaýytovtyń «Aqbilek» spektaklderin sahnalady. «Shoqan Ýálıhanov», «Qozy Kórpesh - Baıan sulý», «Siz kimsiz, Ka myrza?» fılmderin túsirdi.
«Otan» ordenimen, M.V.Lomonosov atyndaǵy, «Altyn qyran» ordenderimen marapattalǵan. KSRO jáne QR Halyq ártisi, KSRO Memlekettik syılyǵynyń laýreaty.
