اقتوبەدە ءىز-ءتۇزسىز جوعالعان ەرلى-زايىپتىنىڭ ءمايىتى تابىلدى. ايەل ادامنىڭ مايىتىندە زورلىق بەلگىلەرى بار، ال ەر ادام اسىلعان كۇيىندە تابىلعان، دەپ حابارلايدى "ادىرنا" پورتالى.
اقپاراتتى وبلىستىق پوليتسيا دەپارتامەنتىنىڭ ءباسپاسوز قىزمەتى راستادى.
«1986 جىلى تۋعان ايەلدىڭ زورلىق بەلگىلەرى بار دەنەسى تابىلۋىنا بايلانىستى پوليتسيا قىلمىستىق ءىس قوزعادى. ودان كەيىنگى ءىس-شارالار بارىسىندا ونىڭ كۇيەۋىنىڭ دەنەسى دە اسىلىپ تۇرعان كۇيىندە تابىلدى»، - دەپ حابارلايدى پوليتسيانىڭ ءباسپاسوز قىزمەتى.
مارقۇمداردىڭ تانىستارى ولاردىڭ ارتىندا بەس بالا قالعانىن جازىپ جاتىر. پوليتسيا قىلمىستىڭ ءمان-جايىن، كىم-كىمدى ولتىرگەنىن انىقتاۋ ءۇشىن كەشەندى شارا باستادىق دەيدى.
ۇقساس جاڭالىقتار
