بەلسەندى پەداگوگ ءسانيا ءنۇسىپالى ءماجىلىس دەپۋتاتى يرينا سميرنوۆانىڭ مۇعالىمدەردىڭ بىلىكتىلىگىنە قاتىستى پىكىرىنە ءوز پىكىرىن ءبىلدىردى، دەپ حابارلايدى "ادىرنا" ۇلتتىق پورتالى.
ول جەلىدەگى پاراقشاسىندا دەپۋتات يرينا سميرنوۆا "مۇعالىمدەردىڭ جارتىسىنان كوبى ءوز پاندەرىن بىلمەيدى" دەگەن پىكىر ايتقانىن، اتتەستاتسيادان وتە الماعان مۇعالىمدەردى سىنعا العانىن جازعان.
ءسانيا ءنۇسىپالى بۇل مالىمدەمەنى نەگىزسىز دەپ باعالاپ، دەپۋتاتتان دالەلدى جاۋاپ بەرۋدى تالاپ ەتتى.
"انابىرەۋ دەپۋتات، مۇعالىمدەردىڭ جارتىسىنان كوبى، ءوز ءپانىن بىلمەيدى دەپتى. اقپاراتتى قايدان العان؟ ەل اراسىنداعى وسەك-اياڭنان اقپاراتتى الىپ سوعا بەرەتىن بولعان با؟ ساۋاتسىز دەپۋتاتتار ورنىن بوساتۋى كەرەك؟!
1. دالەلدەنبەگەن جالعان اقپاراتتى، مىنبەردە ايتقان دەپۋتاتقا شارا قولدانۋ كەرەك. مۇعالىمدەردى قورلاۋدى وسى سياقتى وسەكشى دەپۋتاتتار باستايدى. بۇل دەپۋتاتتى سوتقا بەرۋگە دە، بولادى. ويتكەنى، نەگىزسىز اقپارات ايتتى.
2. بۇكىل ەلدىڭ ءبىلىم سالاسىنا توپىراق شاشىپ وتىر. اۋزىم بار دەپ بىلشىلداي بەرۋگە بولمايدى.
3. پەداگوگ دايىنداپ جاتقان، جوعارى وقۋ ورىندارىنا، تاس لاقتىرىپ وتىر.
4. مۇعالىم مارتەبەسىن تاپتاپ، مۇعالىمدەرگە وتىرىك كىنا ارتىپ وتىر؟!
سوندىقتان ەل الدىندا جاۋاپ بەرسىن! نە دالەلدەسىن.
ءوز مانداتىن حالىقتى قارالاپ ساقتاپ قالۋ ما؟ جوق، ەلدە بولىپ جاتقان، حالىقتىڭ ۇكىلەگەن ءۇمىتىن جەتكىزۋ مە؟ ايتەۋ، پارلامەنتتىڭ تورىندە باجىلداپ، وتىرىك اقپارات ايتۋ ما؟!" - دەپ جازدى ول.
ۇقساس جاڭالىقتار
