بۇگىن شىعىس قازاقستان وبلىسىنىڭ اكىمى نۇرىمبەت ساقتاعانوۆ وسكەمەندە سالىناتىن بىرقاتار نىساننىڭ جوبالارىمەن تانىسىپ، جەر ۋچاسكەلەرىن ارالادى. ەڭ اۋەلى امبەباپ سپورت ارەناسى بوي كوتەرەتىن ساتباەۆ داڭعىلىنداعى «ليك» تۇرعىن ءۇي كەشەنى اۋماعىنا باردى.
تورتقاباتتى عيماراتتىڭ ءبىرىنشى قاباتىندا 5 مىڭ كورەرمەن سىياتىن شاعىن فۋتبول ارەناسى، باسسەين، كوركەم گيمناستيكا زالى، ءدامحانا، مەديتسينا ورتالىعى، ال ءۇشىنشى قاباتتا باسكەتبول، ۆولەيبول زالدارى ورنالاسادى. اتالعان جوبا وڭىردە بۇقارالىق سپورتتى دامىتۋعا جانە ءتۇرلى جارىستاردى جوعارى دەڭگەيدە وتكىزۋگە مۇمكىندىك بەرمەك.
سودان سوڭ ايماق باسشىسى كونگرەسس-حولل سالىناتىن ەسەنبەرلين داڭعىلىنداعى جەر ۋچاسكەسىندە بولدى. جالپى سىيىمدىلىعى 1500 ورىندىق ەكى كونتسەرتتىك زالى بار جاڭا ورتالىق 3 قاباتتان تۇرماق. وندا كونتسەرتتەر، فورۋمدار، فەستيۆالدەر مەن ءبىلىم سالاسىنا قاتىستى شارالار وتكىزىلەدى. تاۋەلسىزدىك مونۋمەنتىنىڭ جانىندا ورنالاسقان جەر ۋچاسكەسىنىڭ اۋماعى - 4 گەكتار.
بۇدان بولەك، ءدال ونىڭ قاسىنا 500 ورىندىق مۇز سارايى سالىنادى. ول تاريحى تەرەڭدە جاتقان شىعىسقازاقستاندىق حوككەيدى، كونكي سپورتىن، مانەرلەپ سىرعاناۋدى دامىتا تۇسۋگە جاعداي جاسايدى.
نۇرىمبەت ساقتاعانوۆ بۇل ءۇش ءىرى جوبانىڭ شىعىس قازاقستان وبلىسىنىڭ ورتالىعىندا قالىپتاسىپ كەلە جاتقان جاڭا سپورتتىق-مادەني كەڭىستىكتىڭ نەگىزىن قۇرايتىنىن اتاپ ءوتتى.
