الماتى ورتالىق ازياداعى ەڭ دامىعان مەگاپوليس رەتىندەگى مارتەبەسىن نىعايتىپ كەلەدى. تۋريزم سالاسىنداعى وڭ كورسەتكىشتەر ءوڭىردىڭ نەگىزگى باعىتتارىنىڭ ءبىرى رەتىندە قالاعا قىزىعۋشىلىقتىڭ تۇراقتى ءوسىپ وتىرعانىن دالەلدەيدى. تۋريستەر لەگىنىڭ ارتۋى ينفراقۇرىلىمدى دامىتۋ، قىزمەت كورسەتۋ ساپاسىن جاقسارتۋ جانە الماتىنىڭ حالىقارالىق تانىمالدىعىن كەڭەيتۋ بويىنشا جۇرگىزىلىپ جاتقان جۇمىستاردىڭ تيىمدىلىگىن كورسەتەدى.
2025 جىلدىڭ ءۇش توقسانىندا مەگاپوليسكە 1 869 375 ادام كەلگەن، بۇل 2024 جىلدىڭ وسى كەزەڭىمەن سالىستىرعاندا 8,1%-عا ارتىق (1 729 601 ادام). سولاردىڭ ىشىندە 563 مىڭى شەتەلدىك تۋريستەر بولىپ، 11%-عا ءوستى، ال 1,3 ملن ىشكى ساياحاتشىلار، ولاردىڭ سانى 6,9%-عا ارتقان.
نەگىزگى ەلدەردەن كەلگەن شەتەلدىك قوناقتار سانىنىڭ ءوسۋى بايقالادى. 2025 جىلدىڭ توعىز ايىندا الماتىعا رەسەيدەن 124,2 مىڭ ادام كەلگەن، بۇل وتكەن جىلمەن سالىستىرعاندا 5,7%-عا كوپ. قىتايدان كەلگەن قوناقتار سانى 102,1 مىڭ ادامعا جەتىپ، بىردەن 39,2%-عا ءوستى. ءۇندىستاننان كەلگەندەر لەگى 85,6 مىڭ ادامعا جەتىپ، 3,5% ءوسىم كورسەتتى.
سونداي-اق، شەتەلدىك تۋريستەر سانى بويىنشا كوش باستاپ تۇرعان ەلدەر قاتارىندا تۇركيا (28 670 ادام، ءوسىم 9,1%), كورەيا رەسپۋبليكاسى (18 535 ادام، ءوسىم 17,5%), گەرمانيا (12 549 ادام، ءوسىم 15,6%), قىرعىزستان (12 356 ادام، ءوسىم 18,9%), وزبەكستان (12 259 ادام، ءوسىم 8,9%), ۇلىبريتانيا (10 143 ادام، ءوسىم 7,1%), يتاليا (7 637 ادام، ءوسىم 28,5%), ساۋد ارابياسى (6 750 ادام، ءوسىم 5,2%), مالايزيا (5 773 ادام، ءوسىم 16,9%) جانە فرانتسيا (4 688 ادام، ءوسىم 25,4%) بار.
حالىقارالىق تۋريستەر سانىنىڭ وسۋىنە تۋريستىك ينفراقۇرىلىمدى دامىتۋ مەن قوناقتارعا ارنالعان زاماناۋي تسيفرلىق ءارى سەرۆيستىك شەشىمدەردى ەنگىزۋدىڭ ناتيجەسىندە قول جەتكەن. الماتى كەلۋشىلەر گەوگرافياسىن كەڭەيتىپ، ساياحاتشىلار ءۇشىن قولايلى جاعداي جاساپ، دەمالىس پەن ىسكەرلىك ءتۋريزمنىڭ تارتىمدى باعىتى رەتىندە پوزيتسياسىن نىعايتىپ وتىر.
حالىقارالىق دەڭگەيدە تانىلۋ جۇرگىزىلىپ جاتقان جۇمىستىڭ تيىمدىلىگىن راستايدى. الماتى 2025 جىلى بارۋعا ۇسىنىلعان باعىتتار تىزىمىنە CNN ارناسى تاراپىنان ەنگىزىلدى، ال بريتاندىق The Telegraph باسىلىمى الماتىنى «ورتالىق ازيانىڭ ءىنجۋ-مارجانى» دەپ اتادى. Booking.com تالدامالى دەرەگىنشە، الماتى ورتالىق ازياداعى تۋريستىك باعىتتار اراسىندا ەڭ جىلدام دامىپ كەلە جاتقان وندىققا كىرەدى.
