Freedom Holding Corp. تيمۋر تۋرلوۆتىڭ قۇرىلىمدارى رەتتەۋشى ورگانداردىڭ ماقۇلداۋى الىنعان جاعدايدا «ترانستەلەكوم» اق-نى ساتىپ الۋعا كىرىسكەنىن حابارلادى.
«2025 جىلعى 11 جەلتوقساندا "ترانستەلەكوم" اق اكتسيونەرلەرى ديرەكتورلار كەڭەسىنىڭ جاڭا قۇرامىن بەكىتتى. بۇل وزگەرىستەر كومپانيانى تيمۋر تۋرلوۆتىڭ قۇرىلىمدارى ساتىپ الۋ پروتسەسىنىڭ باستالۋىمەن بايلانىستى بولىپ وتىر. تاراپتار مامىلەنىڭ نەگىزگى پارامەترلەرى بويىنشا كەلىسىمگە كەلىپ، مەملەكەتتىك باقىلاۋشى ورگانداردان رۇقسات الۋ كەزەڭىنە وتۋدە»، – دەلىنگەن حابارلامادا.
كومپانيانى ودان ءارى دامىتۋ ستراتەگياسىن قاراستىرۋ ءبىراز ۋاقىت الاتىندىقتان، ازىرگە باسشىلىق قۇرامىنا نەمەسە قازىرگى وپەراتسيالىق مودەلىنە وزگەرىستەر ەنگىزىلمەيتىنى ءمالىم بولدى.
«ترانستەلەكوم» اق تەلەكوممۋنيكاتسيا، تسيفرلاندىرۋ جانە IT, بايلانىس، اۆتوماتتاندىرۋ جانە ەنەرگەتيكا سالالارىنداعى جۇيەلەردى بىرىكتىرۋگە ماماندانعان قازاقستانداعى ءىرى بايلانىس وپەراتورلارىنىڭ ءبىرى بولىپ سانالادى.
وسى جىلدىڭ اقپانىندا نۇرسۇلتان نازارباەۆتىڭ جيەنى ءنۇرالى اليەۆ «ترانستەلەكوم» ديرەكتورلار كەڭەسى توراعالىعىنان كەتتى
