پرەزيدەنت قاسىم-جومارت توقاەۆ اۆستراليانىڭ پرەمەر-ءمينيسترى ەنتوني البانيزگە كوڭىل ايتۋ جەدەلحاتىن جولدادى، دەپ حابارلايدى "ادىرنا" ۇلتتىق پورتالى.
سيدنەي قالاسىندا حانۋكا مەرەكەسىن تويلاۋ كەزىندە بولعان قايعىلى وقيعا بولعان. بوندي جاعاجايىندا حانۋكا مەرەكەسى كەزىندە بەلگىسىز ءۇش ادام ادامدارعا وق اتقان. قارۋلى شابۋىل سالدارىنان 16 ادام قازا تاۋىپ، 38 ادام جاراقات العان، ولاردىڭ 29-ى اۋرۋحاناعا جەتكىزىلگەن.
مەملەكەت باسشىسى قازا تاپقانداردىڭ وتباسىلارى مەن جاقىندارىنا قولداۋ ءبىلدىرىپ، بارلىق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىگىن جەتكىزدى. سونىمەن قاتار قاسىم-جومارت توقاەۆ بۇل قاتىگەز زورلىق-زومبىلىق ارەكەتىن قاتاڭ ايىپتاپ، قيىن ساتتە قازاقستاننىڭ اۆستراليا حالقىمەن ىنتىماقتاستىعىن راستادى.
ۇقساس جاڭالىقتار
