SDU University ورتالىق ازيادا العاش بولىپ International Baccalaureate (IB) باعدارلاماسىنىڭ PYP, MYP جانە DP دەڭگەيلەرى بويىنشا تولىق حالىقارالىق اككرەديتاتسيادان ءوتتى. وسىلايشا ۋنيۆەرسيتەت قازاقستاندا جانە تمد كەڭىستىگىندە IB-ءدىڭ ءۇش باعدارلاماسى بويىنشا بىردەي اككرەديتاتسيا العان العاشقى جوعارى وقۋ ورنى مارتەبەسىنە يە بولدى.
International Baccalaureate (IB) – حالىقارالىق دەڭگەيدە مويىندالعان ءبىلىم بەرۋ باعدارلاماسى. اتالعان باعدارلاما پەداگوگيكا سالاسىندا بولاشاق مۇعالىمدەردى زاماناۋي ستاندارتتارعا سايكەس دايارلاۋعا باعىتتالعان جانە الەمنىڭ جەتەكشى ۋنيۆەرسيتەتتەرى مەن ءبىلىم بەرۋ ۇيىمدارى تاراپىنان كەڭىنەن مويىندالعان.
1. Primary Years Programme (PYP) – باستاۋىش سىنىپتار ءۇشىن (3–12 جاس).
2. Middle Years Programme (MYP) – ورتا مەكتەپ ءۇشىن (11–16 جاس).
3. Diploma Programme (DP) – جوعارى سىنىپتار ءۇشىن (16–19 جاس), ۋنيۆەرسيتەتكە تۇسۋگە دايىندىققا باعىتتالعان.
IB باعدارلاماسىنىڭ ەرەكشەلىكتەرى:
• جاھاندىق كوزقاراستى قالىپتاستىرۋ;
• سىن تۇرعىسىنان ويلاۋ جانە وزدىگىنەن وقۋعا ۇيرەتۋ;
• جەكە جانە الەۋمەتتىك دامۋدى قولداۋ.
SDU University-دە IB ستاندارتتارى بويىنشا مۇعالىمدەر دايارلاۋ inquiry-based learning, زەرتتەۋشىلىك پەداگوگيكا، قالىپتاستىرۋشى باعالاۋ جانە اكادەميالىق ادالدىق قاعيداتتارىنا نەگىزدەلگەن. بۇل ءتاسىل وقىتۋ پروتسەسىندە اقپاراتتى جاتتاتۋعا ەمەس، وقۋشىنىڭ سىني ويلاۋىن، اناليتيكالىق تالداۋىن، زەرتتەۋ مادەنيەتىن جانە شىعارماشىلىق قابىلەتىن دامىتۋعا باسىمدىق بەرەدى. ناتيجەسىندە، قازاقستانداعى حالىقارالىق جانە جەكە مەكتەپتەر ءۇشىن جوعارى بىلىكتى پەداگوگتەر دايارلاۋعا مۇمكىندىك تۋدى.
بۇل جەتىستىك قازاقستاننىڭ حالىقارالىق ءبىلىم بەرۋ حابى رەتىندە قالىپتاسىپ كەلە جاتقانىن ايقىن كورسەتىپ، SDU University-ءدىڭ ايماقتىق جانە جاھاندىق دەڭگەيدەگى اكادەميالىق بەدەلىن ايتارلىقتاي نىعايتتى. بۇگىندە الەم بويىنشا IB تاراپىنان رەسمي تۇردە IB ۋنيۆەرسيتەتى رەتىندە تانىلعان نەبارى 55 جوعارى وقۋ ورنى بار. ولاردىڭ قاتارىندا The University of Hong Kong, University of Toronto, University of Melbourne, University of South Carolina جانە University of Bath سياقتى جەتەكشى ۋنيۆەرسيتەتتەر بار. SDU University وسى ەليتالىق تىزىمگە ەنىپ، حالىقارالىق ءبىلىم كەڭىستىگىندەگى ورنىن بەكىتتى.
«قازىرگى تاڭدا قازاقستاندا 17 رەسمي اۆتوريزاتسيالانعان IB World School جۇمىس ىستەيدى. SDU University-ءدىڭ ءۇش دەڭگەي بويىنشا اككرەديتاتسيا الۋى اتالعان مەكتەپتەرگە كادرلىق قولداۋ كورسەتىپ، حالىقارالىق پەداگوگيكالىق قاۋىمداستىقتىڭ دامۋىنا جاڭا سەرپىن بەردى.
سونداي-اق ەلىمىزدىڭ عىلىم جانە جوعارى ءبىلىم مينيسترلىگىندە حالىقارالىق ءبىلىم بەرۋ ستاندارتتارىن پەداگوگيكا سالاسىنا ەنگىزۋ بويىنشا جۇيەلى جۇمىستار جۇرگىزىلۋدە. وسى باعىتتا SDU University پەداگوگيكالىق ءبىلىم بەرۋدى حالىقارالىق دەڭگەيگە كوتەرۋ جولىندا ناقتى قادامدار جاساپ كەلەدى» - دەدى SDU University رەكتورى ءالىمجان يگەنباەۆ.
ايتا كەتەيىك، اتالعان ماڭىزدى جەتىستىك اياسىندا SDU University-گە قر عىلىم جانە جوعارى ءبىلىم ءمينيسترى ساياسات نۇربەك رەسمي ىسساپارمەن ارنايى كەلىپ، ءدارىس وقىدى.
