الماتى قالاسىندا «زاڭ مەن ءتارتىپ» اكتسياسى اياسىندا «مۇلىكتى مەملەكەت كىرىسىنە اينالدىرۋ بويىنشا اۋماقتىق ءبولىم» فيليالىنىڭ باسشىسى قايىرلىكوۆ ازامات تلەۋگازىەۆيچ نارحوز كوللەدجىندە وتكەن مەملەكەتتىك قىزمەتتىڭ ماڭىزىنا ارنالعان دوڭگەلەك ۇستەلگە قاتىستى، دەپ حابارلايدى «ادىرنا» ۇلتتىق پورتالى.
كەزدەسۋ بارىسىندا مەملەكەتتىك قىزمەتتىڭ قوعامداعى ءرولى، جاستاردىڭ كاسىبي باعىت-باعدارى، بولاشاق مامانداردى دايارلاۋ، سونداي-اق مەملەكەتتىك قىزمەتشىنىڭ ەتيكاسى مەن جاۋاپكەرشىلىگى سياقتى وزەكتى تاقىرىپتار كەڭىنەن تالقىلاندى. ازامات تلەۋگازىەۆيچ ستۋدەنتتەرگە مەملەكەتتىك قىزمەتكە قابىلداۋ ءتارتىبى، جۇمىس بارىسىنىڭ ەرەكشەلىكتەرى جانە قىزمەتتىك ءوسۋ مۇمكىندىكتەرى تۋرالى جان-جاقتى اقپارات بەردى.
ءىس-شارا بارىسىندا ستۋدەنتتەر كوكەيىندەگى سۇراقتارىن قويىپ، ناقتى ءارى تۇسىنىكتى جاۋاپتار الدى. اتالعان كەزدەسۋ جاستاردىڭ قۇقىقتىق مادەنيەتىن ارتتىرۋعا، مەملەكەتتىك ورگاندار قىزمەتىنىڭ اشىقتىعىن ناسيحاتتاۋعا جانە بولاشاق مامانداردىڭ ازاماتتىق جاۋاپكەرشىلىگىن كۇشەيتۋگە باعىتتالدى
