كولىك پوليتسەيلەرى الماتى اۋەجايىندا مەملەكەتارالىق ىزدەۋدە جۇرگەن قىلمىسكەردى ۇستادى. بۇل تۋرالى Polisia.kz جاريالادى، دەپ حابارلايدى “ادىرنا” ۇلتتىق پورتالى.
اقپارات بويىنشا، جەلىلىك پوليتسيا باسقارماسىنىڭ قىزمەتكەرلەرى ۇقك شەكارا قىزمەتىمەن بىرلەسىپ، مەملەكەتارالىق ىزدەۋدە جۇرگەن 62 جاستاعى قىلمىسكەردى الماتىداعى حالىقارالىق اۋەجايدىڭ شىعارىپ سالۋ زالىندا ۇستاعان.
رەسەي فەدەراتسياسىنىڭ ازاماتى رف قىلمىستىق كودەكسىنىڭ 159-بابى ("الاياقتىق") بويىنشا قىلمىس جاساعانى ءۇشىن ىزدەۋدە بولعان. ول ۋاقىتشا ۇستاۋ يزولياتورىنا قامالدى.
كولىكتەگى پوليتسيا باسقارماسى باسشىسىنىڭ ءبىرىنشى ورىنباسارى ماديار ايتۋعانوۆتىڭ ايتۋىنشا، "نەلەگال-2022" جەدەل-الدىن الۋ شاراسىنىڭ ەكى كۇنىندە قازاقستان اۋماعىندا بولۋ ەرەجەلەرىن بۇزعانى ءۇشىن 38 شەتەلدىك اكىمشىلىك جاۋاپكەرشىلىككە تارتىلعان.
”ادىرنا” ۇلتتىق پورتالى
