قازاقستاندا قازىر مەكتەپ وقۋشىلارى مەن جاستاردى كاسىپكەرلىككە باۋلۋعا ەرەكشە كوڭىل ءبولىنىپ ءجۇر. بۇل دا بەكەر ەمەس: ەكونوميكاعا وزدىگىنەن ارەكەت ەتەتىن، باستاما كوتەرەتىن، ىسكە شيراق، تاجىريبەگە جاقىن ماماندار كەرەك. Ranking.kz ساراپشىلارىنىڭ ايتۋىنشا، ەلدە بالالار مەن جاسوسپىرىمدەرگە بيزنەس پەن ەكونوميكانىڭ الىپپەسىن ەرتەرەك ۇيرەتەتىن ءتۇرلى وقۋ باعدارلامالارى كوبەيىپ، سونىڭ اينالاسىندا بىرتە-بىرتە جۇيەلى ورتا قالىپتاسىپ كەلەدى.
وسى ءۇردىستىڭ اياسىندا كاسىپكەرلىك ءبىلىم بەرۋ باعىتىنداعى ەڭ كوزگە تۇسكەن، قامتۋى دا ەڭ كەڭ باستاما رەتىندە تيمۋر قۇلىباەۆتىڭ Halyk قايىرىمدىلىق قورى ىسكە اسىرىپ جاتقان Talimger جوباسى اتالىپ وتىر.
كاسىپكەرلىك بىلىمگە جۇيەلى كوزقاراس
Ranking.kz جاساعان شولۋدا قازىرگى باعدارلامالاردىڭ باستى ايىرماسى – ءبىر رەتتىك كۋرستاردان گورى كاسىپكەرلىك داعدىلاردى وقۋ پروتسەسىنە جۇيەلى تۇردە ەنگىزۋگە بەت بۇرعانى ايتىلادى. Talimger ءدال وسى جولدى تاڭداعان: جوبا مۇعالىمدەردى دايىنداۋدان باستاپ، مەكتەپ وقۋشىلارى مەن ستۋدەنتتەرمەن ناقتى جۇمىسقا دەيىن بىرنەشە دەڭگەيدى قاتار قامتيدى.
باعدارلاما تەك تەوريانى ۇيرەتىپ قويماي، ەڭ كەرەگى – قولدانبالى ماشىقتاردى دامىتۋعا، ياعني يدەيامەن جۇمىس ىستەۋگە، تاۋەكەلدى تارازىلاۋعا، ەكونوميكانىڭ قاراپايىم تەتىكتەرىن تۇسىنۋگە باعىتتالعان. مۇنداي ءتاسىل كاسىپكەرلىكتى وقىتۋدىڭ حالىقارالىق تاجىريبەسىنە ساي كەلەدى: ول جاقتا باستى قاعيدا – ىستەپ كورۋ ارقىلى ۇيرەنۋ.
ۇستازدىڭ ورنى، ءوڭىردىڭ ۇلەسى
جوبادا مۇعالىمدەر مەن وقىتۋشىلاردى دايىنداۋ ماسەلەسىنە ەرەكشە ءمان بەرىلگەن. Ranking.kz دەرەگىنشە، باعدارلامانىڭ كەڭ قانات جايۋىنا ەڭ كوپ ىقپال ەتكەن تەتىكتىڭ ءبىرى – پەداگوگتەردى وقىتۋ. بىرقاتار وڭىردە، سونىڭ ىشىندە ماڭعىستاۋ وبلىسىندا دا، جۇزدەگەن مامان ارنايى دايىندىقتان ءوتىپ، كەيىن مەكتەپتەر مەن كوللەدجدەردە كاسىپكەرلىك كۋرسىن جۇرگىزە باستاعان.
2025 جىلى اقتاۋدا Talimger-ءدىڭ وڭىرلىك ادىستەمەلىك ورتالىعى جۇمىسىن باستاپ، ۇستازداردىڭ بىلىكتىلىگىن ارتتىراتىن، تاجىريبە الماساتىن ءارى جاڭا وقىتۋ تاسىلدەرى ەنگىزىلەتىن الاڭعا اينالدى. مۇنداي فورمات جوبانىڭ اۋماعىن كەڭەيتۋمەن قاتار، وقىتۋدىڭ ساپاسىن ءبىر ىزگە ءتۇسىرىپ، ورتاق ستاندارتتى ساقتاۋعا مۇمكىندىك بەرەدى.
ءبىلىم جۇيەسىنە ەنگىزۋ
ساراپشىلاردىڭ ايتۋىنشا، Talimger-ءدىڭ دامۋىنا سەرپىن بەرگەن ماڭىزدى قادامنىڭ ءبىرى – كاسىپكەرلىك نەگىزدەرىن مەكتەپ پەن كوللەدجدىڭ وقۋ جوسپارىنا ەنگىزۋ. وسىلايشا جوبا جاي عانا قوسىمشا ۇيىرمە دەڭگەيىندە قالماي، جاستارمەن جۇرگىزىلەتىن جۇيەلى جۇمىستىڭ ءبىر بولىگىنە اينالىپ وتىر.
Ranking.kz باعالاۋىنشا، بۇگىنگى تاڭدا Talimger – كاسىپكەرلىك ويلاۋ باعىتى بويىنشا جاسوسپىرىمدەر مەن پەداگوگتەرمەن جۇمىس ىستەيتىن ەڭ تانىمال ءارى قامتۋى كەڭ جوبالاردىڭ ءبىرى. باعدارلاما مىڭداعان وقۋشىنى قامتىپ، قايىرىمدىلىق سەكتور مەن ءبىلىم جۇيەسىنىڭ ناقتى ءارى ۇيلەسىمدى ارىپتەستىگىنىڭ جاقسى ۇلگىسىنە اينالىپ كەلەدى.
جوبا ەكونوميكا ءۇشىن نەگە ماڭىزدى؟
جاستاردىڭ كاسىپكەرلىك قابىلەتىن دامىتۋ – ەل ەكونوميكاسىنىڭ ەرتەڭگى كۇنى بەرىك بولۋىنىڭ ءبىر تىرەگى. مۇندا ماسەلە تەك بولاشاق كاسىپكەرلەردى دايارلاۋدا ەمەس. ەڭ باستىسى – ادامنىڭ يكەمدى داعدىلارىن قالىپتاستىرۋ: شيراق بولۋ، جاۋاپكەرشىلىك الۋ، وزگەرىسكە تەز بەيىمدەلۋ، مۇمكىندىكتى كورە ءبىلۋ.
وسى تۇرعىدان العاندا، Talimger تەك وقىتۋ باعدارلاماسى ەمەس، جاڭا بۋىن ماماندارىن دايىنداۋعا نەگىز قالايتىن ينفراقۇرىلىمدىق ءبىلىم جوباسى رەتىندە قاراستىرىلادى. ياعني، قۇبىلىپ تۇرعان زاماندا جۇمىس ىستەي الاتىن، ويى سەرگەك، ءىسى ناقتى جاستاردىڭ قالىپتاسۋىنا جول اشىپ وتىر.
قازاقستاندا كاسىپكەر سەكىلدى ويلاۋدى ەرتە جاستان قالىپتاستىرۋ ءبىلىم ساياساتىنىڭ ماڭىزدى باعىتىنا اينالىپ كەلەدى. باستامالار كوبەيگەن سايىن، Talimger ءوز اۋقىمىمەن دە، جۇيەلى قۇرىلىمىمەن دە ەرەكشەلەنەدى: جوبا ءبىلىم بەرۋ ورتاسىنا كىرىگىپ، ءبىر جولعى شارا ەمەس، تۇراقتى جۇمىس فورماتىنا كوشكەن.
Ranking.kz ساراپشىلارىنىڭ پايىمىنشا، مۇنداي باعدارلامالار بۇگىن-ەرتەڭ ناتيجە قۋالاماي، ەلدىڭ ادامي كاپيتالىنا ۇزاق مەرزىمگە سالىنعان ينۆەستيتسيا ىسپەتتى. ياعني، ەرتەڭگى بۋىننىڭ ەكونوميكالىق بەلسەندىلىگىنە نەگىز قالاپ، شيراق، جاۋاپتى، زامانعا بەيىم ازاماتتاردىڭ قالىپتاسۋىنا ىقپال ەتەدى.
