تالدىقورعاندا قازا تاپقان ايزات جۇمانوۆانىڭ كۇيەۋىنە سوت ۇكىمى شىقتى. ايبار جانبولات ايەلىن ولتىرگەنى ءۇشىن كىنالى دەپ تانىلىپ، 14 جىلعا باس بوستاندىعىنان ايىرىلدى، دەپ حابارلايدى "ادىرنا".
"جانبولات مەديتسينالىق كومەك كورسەتپەگەن جانە جاسالعان اۋىر قىلمىستى جاسىرۋ ماقساتىندا ايزاتتى بىرنەشە ساعاتتان كەيىن، تۇنگى شامامەن 2:30-دا عانا اۋرۋحاناعا جەتكىزگەن", – دەپ كورسەتىلگەن ايىپتاۋ اكتىسىندە.
تەرگەۋ دەرەكتەرىنە ساي، 33 جاستاعى ەر ادام ماس كۇيىندە ءوز ءۇيىنىڭ ماڭىندا ايەلىن اياۋسىز ۇرىپ-سوققان. ايزات ەسىنەن تانسا دا، كۇدىكتى ونى ۇرۋىن جالعاستىرعان.
اۋەلگىدە بۇل ءىس "ابايسىزدا ادام ولىمىنە اكەپ سوعۋ" بابىمەن تىركەلگەنىمەن، ءمايىتتى ەكسگۋماتسيالاپ، قوسىمشا ساراپتاما جۇرگىزىلگەننەن سوڭ ءىس "ادام ءولتىرۋ" بابىنا اۋىستى.
سوت پروتسەسى باستالعاندا ايزات جۇمانوۆانىڭ تۋىستارى مارقۇمنىڭ جۇكتى بولۋى مۇمكىن ەكەنىن جانە ءمايىتحانادان العان كەزدە ونىڭ دەنەسىندە اتقا بايلاپ سۇيرەگەندەي ىزدەر بولعانىن جەتكىزگەن ەدى. بىراق، تاحير حاليمنازاروۆ سوتتا بۇل ەكى نۇسقانى راستامادى.
