ەلوردادا 20 قاڭتار كۇنى «استانا ارەنا» ستاديونىندا وتكەن «قايرات» پەن «بريۋگگە» كوماندالارى اراسىنداعى فۋتبول ماتچىندا جانكۇيەرلەرگە ارناپ توسىن سىي ۇيىمداستىرىلدى. تريبۋنادا قالا تۇرعىندارىنا جاقسى تانىس تازابەك پايدا بولدى، دەپ حابارلايدى «ادىرنا» ءتىلشىسى قالا اكىمدىگىنە سىلتەمە جاساپ.
تانىمال كەيىپكەر جانكۇيەرلەردىڭ نازارىن بىردەن وزىنە اۋداردى. كورەرمەندەر ونىمەن سۋرەتكە، ۆيدەوعا ءتۇسىپ، الەۋمەتتىك جەلىلەردە جاريالاپ جاتتى.
تازابەك جانكۇيەرلەرگە «قايراتتى قولدا – تازابەكتى قۇشاقتا» دەگەن جازۋى بار پلاكات ۇستاپ شىعىپ، ماتچتىڭ كوركىن ارتتىرا ءتۇستى. ونىڭ كەلبەتى ەرەسەكتەر مەن بالالارعا بىردەي كوتەرىڭكى كوڭىل كۇي سىيلادى.
ايتا كەتەيىك، تازابەك بۇعان دەيىن دە قالالىق ءىس-شارالاردا بىرنەشە رەت بوي كورسەتكەن. ول ءاردايىم تازالىقتى ساقتاۋ، قورشاعان ورتاعا ۇقىپتى قاراۋ جانە قوعامدىق ورىنداردا تازالىق مادەنيەتىن قالىپتاستىرۋدىڭ ماڭىزىن ناسيحاتتاپ كەلەدى.
بۇعان دەيىن "قايرات" فۋتبول كلۋبىنىڭ "بريۋگگەگە" ەسە جىبەرگەنىن جازعان ەدىك.
مادەنيەت جانە سپورت ءمينيسترى اسحات ورالوۆ بولعالى فۋتبولشىلارىمىز جەڭىپ جاتىر دەپتى ءبىر جاعىمپاز).
