قازاقستان رەسپۋبليكاسىنىڭ ەنەرگەتيكا مينيسترلىگى تەڭىز كەن ورنىندا وندىرىستىك وپەراتسيالاردىڭ قايتا باستالعانىن مالىمدەدى، دەپ حابارلايدى "ادىرنا" ۇلتتىق پورتالى.
جەدەل شتابتىڭ دەرەگىنشە، 31 قاڭتار كۇنى ساعات 03:35-تە العاشقى ۇڭعىما ءساتتى ىسكە قوسىلعان. قازىرگى تاڭدا تەحنولوگيالىق قوندىرعىلار شتاتتىق رەجيمدە جۇمىس ىستەپ تۇر.
قزاىر بەس ۇڭعىما پايدالانۋعا بەرىلدى. «تەڭىزشەۆرويل» كومپانياسىنىڭ تەحنيكالىق قىزمەتتەرى كەلەسى توپتىق ولشەۋ قوندىرعىسىن ىسكە قوسۋعا دايىندىق جۇمىستارىن جۇرگىزىپ جاتىر. مۇناي ءوندىرۋ كولەمىن ارتتىرۋ جۇيە پارامەترلەرى تۇراقتاندىرىلىپ، وندىرىستىك پروتسەستەردىڭ تولىق قاۋىپسىزدىگى قامتاماسىز ەتىلۋىنە قاراي كەزەڭ-كەزەڭىمەن جۇزەگە اسىرىلادى.
ەسكە سالايىق، بۇعان دەيىن «تەڭىزشەۆرويل» جشس-دەگى اپاتتان كەيىن پروپيلەن ءوندىرىسىنىڭ توقتاعانى جانە جانىپ كەتكەن ترانسفورماتورلار جوندەلىپ، مۇناي ءوندىرۋ ءبىر اپتا ىشىندە قالپىنا كەلتىرىلەتىنى تۋرالى اقپارات جاريالانعان.
