كاسپي تەڭىزىندەگى قاشاعان كەن ورنى اۋماعىندا مۇناي توگىلگەنى بەلگىلى بولدى، دەپ حابارلايدى "ادىرنا" ۇلتتىق پورتالى.
مۇنايدىڭ توگىلگەنى تۋرالى گلوبۋس ورتالىعىنىڭ اتقارۋشى ديرەكتورى الەۋمەتتىك جەلىدەگى پاراقشاسىندا جزعان.
"عارىشتىق مونيتورينگتىڭ مالىمەتتەرى بويىنشا، 30 ناۋرىزدا كاسپي تەڭىزىندەگى قاشاعان كەن ورنى اۋماعىندا مۇناي توگىلۋى انىقتالدى. عارىشتىق مونيتورينگتى جۇزەگە اسىرعان توپتىڭ مالىمەتىنشە، "eۋروپالىق Sentinel-1A راديولوكاتسيالىق سۋرەتىندە قازاقستاندىق قاشاعان مۇناي ءوندىرۋ الاڭىنىڭ ماڭىندا توگىلگەن توگىندى كورسەتىلگەن", – دەلىنگەن گالينا چەرنوۆانىڭ جەلىدەگى جازباسىندا.
اتىراۋ وبلىستىق ەكولوگيا دەپارتامەنتى اتالعان جايتقا قاتىستى پىكىر ءبىلدىردى.
"ەگەر بۇل فاكتىلەر راستالسا، قورشاعان ورتانى قورعاۋ دەپارتامەنتى NCOC كومپانياسىنا جوسپاردان تىس تەكسەرۋ جۇرگىزەدى. ناتيجەلەر قوسىمشا حابارلانادى", – دەلىنگەن حابارلامادا.
وسىلايشا دەپارتامەنت قاشاعان كەن ورنى اۋماعىندا مۇنايدىڭ توگىلۋ فاكتىلەرى نەگىزىندە سىناما الۋ ءۇشىن تەڭىزگە شىقپاق.
