Kaspıı teńizindegi Qashaǵan ken orny aýmaǵynda munaı tógilgeni belgili boldy, dep habarlaıdy "Adyrna" ulttyq portaly.
Munaıdyń tógilgeni týraly Globýs ortalyǵynyń atqarýshy dırektory áleýmettik jelidegi paraqshasynda jzǵan.
"Ǵaryshtyq monıtorıngtiń málimetteri boıynsha, 30 naýryzda Kaspıı teńizindegi Qashaǵan ken orny aýmaǵynda munaı tógilýi anyqtaldy. Ǵaryshtyq monıtorıngti júzege asyrǵan toptyń málimetinshe, "eýropalyq Sentinel-1A radıolokaııalyq sýretinde qazaqstandyq Qashaǵan munaı óndirý alańynyń mańynda tógilgen tógindi kórsetilgen", – delingen Galına Chernovanyń jelidegi jazbasynda.
Atyraý oblystyq ekologııa departamenti atalǵan jaıtqa qatysty pikir bildirdi.
"Eger bul faktiler rastalsa, qorshaǵan ortany qorǵaý departamenti NCOC kompanııasyna jospardan tys tekserý júrgizedi. Nátıjeler qosymsha habarlanady", – delingen habarlamada.
Osylaısha departament Qashaǵan ken orny aýmaǵynda munaıdyń tógilý faktileri negizinde synama alý úshin teńizge shyqpaq.
